Genesis 22:7 - Kalin Apo Dios

⁷ dat kanan Isaac, “Ama.” “Sino di?” kinwanin Abraham. Danat kanan, “Dan wada nan kaiw ya nan tagowan ngem into pay nan kalnilo ay mapalti?”

Genesis 22:7 Iomraidhean Croise

Genesis 22:8

Tinban Abraham, “Anakko, awnit kigad si Apo Dios ay omyali.”

Genesis 8:20

Idi binmalada dat men-ala si Noe is bato et itopingna is mangpop-oowana isnan igasingda ken Apo Dios dat omala is tonggal esa isnan am-in ay animal ya koyat ay mabalin ay maisda ya maigasing ken Apo Dios danat paltiyen et poowana enggana ay dinmapo.

Exodo 12:3

Ibagayo na isnan am-in ay Israelita ta isnan maikasimpoo ay agew nan naay bowan et omala nan wasdin am-an nan sinbaey is anak di kalnilo wenno anak di kalding pala ken daida ay sinbaey.

Mateo 26:39

Inaddawiyana bassit daida dat menlokbob et menlowalo ay mangwani en, “Ama, no mabalin et kaanem koma nan naay ligatko. Ngem baken kadi nan laydek is matongpal nodi nan laydem.”

Mateo 26:42

Dat kasin en menlowalo si Jesus ay mangwani en, “Ama, no masapol ay liliknaek nan mendagsen ay ligat ay naay et ikkak tapno maikkan am-in nan laydem.”

Juan 1:29

Kawakgatana dat ilaen Juan si Jesus ay somagsag-en danat kanan, “Si todi nan mangkaan isnan basbasol di ipogaw isnan batawa gapo isnan awnitna kateyan. Inyalin Apo Dios siya ay kaneg kalnilo ay mapalti ta kaanena nan basol.

Juan 1:36

danat inenengneng si Jesus ay lomaos danapay kanan, “Ilaenyo. Si tona nan kalnilon Apo Dios ay mangkaan isnan basbasol di ipogaw.”

Juan 18:11

Dat kanan Jesus ken Pedro, “Isiklangmo nan gamigmo. Ay kanam en adiyak maanosan nan ligat ay inyalin Ama?”

Roma 8:15

Tay nan naited ken datako et baken nan nemnem ay iyeeeegyat di baa ay kaneg nan ipogaw ay mapopokok isnan linteg. Nodi nan Ispirito Santo nan naited ken datako et siya nan gapo ay kaanak Apo Dios ken datako. Et siya nan gapo gedan ay men-gasing tako ay mangwani en Ama si Apo Dios.

Naipagtek 13:8

Isonga am-in ay ipogaw isnan batawa et ninbalinenda san kaeegyat ay deey is diosda malaksig nan naisolat nan ngadanda isnan paglistaan di matagotago ay eng-enggana tay adida daydayawen siya. Esapay mawada nan batawa et nailista nan ngadngadanda isnan paglistaan ay kowan san makwani en Kalnilo ay napatey id kasin.