Genesis 22:2 - Kalin Apo Dios

² Dat kanan Apo Dios, “Ayagam nan kedkedeng ay anakmo ay si Isaac ay laylaydem ta omey kayo id Moria et awnit itdok isdi nan bilig ay omayanyo dakat pateyen siya ta poowam ay mang-idaton ken sak-en.”

Genesis 22:2 Iomraidhean Croise

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 21:12

Ngem kinwanin Apo Dios ken Abraham, “Adika madanagan gapo isnan onga ya ken inana ay si Agar ay baam. Masapol ay ikkam nan am-in ay kanan Sara tay nan magapo isnan anakmo ay si Isaac nan aap-om ay inkalik ken sik-a.

Genesis 21:3

Dat ngadnan Abraham is Isaac

Genesis 22:12

Dat kanan san anghel, “Ibadengmo nan gipan. Adim og-ogadan nan anakmo tay getkek ay tongtongpalem si Apo Dios tay adim iyimot nan laylaydem ay anakmo ken siya.”

Genesis 22:16

“Kanan nan Apo en gapo tay sak-en nan tet-ewa ay Dios et awnitak pagasingen sik-a et tomet-ewa nan naay tay egaymo inyimot ken sak-en nan kedkedeng ay anakmo.

Genesis 22:3

Issan nawakgatana dat masapasapa si Abraham ay menbalsig is kaiw is esada idnet danat ipaawit isnan dangkina. Danat ayagan si Isaac ya nan dowa ay baana et omeyda issan bilig ay inbagan Apo Dios.

Genesis 22:9

Idi inomdanda issan bilig ay inbagan Apo Dios en omayanda dat mensapo si Abraham is mangpoowana isnan paltiyena. Danat ogden si Isaac et iyosona isnan kaiw.

Genesis 8:20

Idi binmalada dat men-ala si Noe is bato et itopingna is mangpop-oowana isnan igasingda ken Apo Dios dat omala is tonggal esa isnan am-in ay animal ya koyat ay mabalin ay maisda ya maigasing ken Apo Dios danat paltiyen et poowana enggana ay dinmapo.

Mikias 6:7

Ay men-gasing ngata nan apo no omiyeyak ken siya is kalibolibo ay kalnilo wenno men-ay-ayos ay lana ay adi kaam-am-amin? Ay idatonko nan iyon-a ay anakko ta mangbayad isnan basbasolko?”

Juan 3:16

Gapo tay dadama nan layad Apo Dios isnan ipogaw isnan batawa et inpaiyalina nan kedkedeng ay Anakna tasiyay am-in ay mamati ken siya et adida kadosdosa nodi matagotagoda ken Apo Dios.

Roma 5:8

Ngem inpailan Apo Dios nan pilmi ay layadna tay natey si Kristo ay pala ken datako datakopay ngawingawi ay ipogaw ay bomasbasbasol ken siya.

Roma 8:32

Olay nan es-esang ay Anakna et inpalobosna siya ay matey ay pala ken datako am-in. No siya di nan inikkana ay adina ited ken datako nan am-in ay masapol tako?

Hebreo 11:17

Nan esa ay mangipagtek isnan gawis ay pammatin Abraham et nan inikkana ken Isaac ay anakna. Inbagan Apo Dios ken Abraham ay nan magapo ken Isaac nan matongpalan nan inkalina ay awnit omadoado nan ap-ona. Dat isnan namingsan pinadas Apo Dios si Abraham ta maila no tet-ewa ay talkena siya. Kinwanina en masapol ay ited Abraham si Isaac ken siya. Isonga olay no kedkedeng si Isaac is anakna et ninsagana si Abraham ay mangpatey koma ken siya ay mang-ited ken Apo Dios.