Genesis 22:18 - Kalin Apo Dios

¹⁸ Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

Genesis 22:18 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 18:18

tay siya nan pinilik ay apon di ipogawko ya inbagak en awnit omadoado nan ap-ona. Gapo ken siya et awnitak badangan nan adoado ay ipogaw isnan kailiili.

Genesis 18:19

Pinilik siya tasiyay ibilina koma isnan an-akna ya ap-ona ay tongpalenda sak-en ya ikkanda nan gawis ya osto. No siya di nan ikkanda et tongpalek am-in ay insapatak ken siya.”

Genesis 22:10

Danat alaen nan gipan ta pateyena koma nan anakna

Genesis 22:3

Issan nawakgatana dat masapasapa si Abraham ay menbalsig is kaiw is esada idnet danat ipaawit isnan dangkina. Danat ayagan si Isaac ya nan dowa ay baana et omeyda issan bilig ay inbagan Apo Dios.

Genesis 28:14

Awnit omadoado nan ap-om ay kaneg nan kaad-adon nan tapok isnan batawa. Awnit iliyanda na ya nan naliliwes ya awnit pagawisen nan apo nan am-in ay il-ili gapo ken sik-a ya nan aap-om.

Salmo 72:17

Adi makalkalingkingan koma nan ngadana nodi menbayag ay kaneg nan kabayagan di agew nan kadkadngeana. Mabadangan am-in ay il-ili gapo ken siya dadapay idawat ay bindisyonan Apo Dios siya.

Exodo 7:6

Dat ikkan da Moses ken Aaron nan am-in ay inbilin nan apo.

Jeremias 4:2

ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Mateo 1:1

Naay nan kaibagaan din alal-apon Jesu Kristo. Siya nan apon din si Ali David ay apon abes din si Abraham.

Aapostolis 3:25

Datako id wani et naitapi tako abes isnan inpabagan Apo Dios isdin mamadtona. Naitapi tako abes isnan nakitolagan Apo Dios isdin alal-apo tako tay kinwanina ken Abraham en, ‘Awnitak osalen nan esa ay Apom ay mangbadang isnan kaipoipogaw isnan batawa’.

Roma 1:3

Inpasolatna nan maipanggep isnan Anakna ay si Jesu Kristo ay Apo tako. Nan maipanggep isnan kaipogawna et naiyanak siya isnan naay ay batawa et nan alapona et din si David.

Galacia 3:16

Kaneg todi nan inommat isdin nang-itedan Apo Dios isnan inkalina ken Abraham ya isnan awnitna apo ay si Kristo issan nintolaganda. Ngem baken isnan am-in ay ap-ona is nang-itedana nodi kedeng isnan esa.

Galacia 3:18

Tay no ited Apo Dios nan am-in ay kayatna ay ited isnan ipogaw gapo isnan mangsolotanda isnan lintegna et maid paay nan badang ay inkalina. Ngem baken kaneg todi. Tay no nemnemen tako si Abraham et getken tako ay inted Apo Dios nan intedna ken siya gapo tay inkalina.

Efeso 1:3

Dadama nan panangdayaw tako ken Apo Dios ay Dios ya Aman Jesu Kristo ay Apo tako. Gapo isnan maitatapiyan tako ken Jesu Kristo et dadama nan badang Apo Dios ken datako tay inpaiyalina isnan Ispiritona nan am-in ay gawis ay nagapo id daya.