Genesis 22:16 - Kalin Apo Dios

¹⁶ “Kanan nan Apo en gapo tay sak-en nan tet-ewa ay Dios et awnitak pagasingen sik-a et tomet-ewa nan naay tay egaymo inyimot ken sak-en nan kedkedeng ay anakmo.

Genesis 22:16 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 22:12

Dat kanan san anghel, “Ibadengmo nan gipan. Adim og-ogadan nan anakmo tay getkek ay tongtongpalem si Apo Dios tay adim iyimot nan laylaydem ay anakmo ken siya.”

Genesis 22:15

Ninkali kasin ken Abraham san anghel ay wada id daya et kanana,

Genesis 22:2

Dat kanan Apo Dios, “Ayagam nan kedkedeng ay anakmo ay si Isaac ay laylaydem ta omey kayo id Moria et awnit itdok isdi nan bilig ay omayanyo dakat pateyen siya ta poowam ay mang-idaton ken sak-en.”

Salmo 105:9

Adina kalkalingkingan san nakitolagana ken Abraham ay kasina inkali ken Isaac.

Exodo 17:16

Dat isapatan Moses isnan deey ay altar ay mangwani en, “Nan apo et awnitna itoloy ay manggobat isnan Amelikita ay eng-enggana.”

Exodo 2:24

Et dinngen Apo Dios nan dawatda. Danat nemnemen nan nakitolagana isdin alal-apoda ay da Abraham, Isaac yas ken Jacob.

Exodo 32:13

Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Isaias 45:23

Nan inkalik et tet-ewa ya adi kasoksokatan. Ipapasnekko ay mang-ikali et awnit omali am-in ay ipogaw ay menpalintomeng ken sak-en. Awnitda kanan am-in en tet-ewa ay sik-a nan Dios.

Lucas 1:73

Inkalin Apo Dios id sang-adom ken Abraham ay alapo tako ay siya nan awnit mangilisi isnan mang-aamis ken datako tasiyay adi tako omegyat ay mensilbi ken siya ya ta maid il-ilaena is kolang wenno ngawi ay ik-ikkan tako engganay matey tako.”