Genesis 22:14 - Kalin Apo Dios

¹⁴ Nginadnan Abraham san bilig ay deey is “It-ited nan apo nan masapol tako” gapo tay intedna san kalnilo et enggana id wani et siya kayet nan pangwanin nan ipogaw.

Genesis 22:14 Iomraidhean Croise

Genesis 22:13

Idi menmoli si Abraham danat ilaen nan kalnilo ay nasaotan nan sakgodna isnan logam. Danat alaen et paltiyena. Dadat poowan et siya nan igasingda ken Apo Dios ay imbes san anakna.

Genesis 22:15

Ninkali kasin ken Abraham san anghel ay wada id daya et kanana,

Genesis 22:8

Tinban Abraham, “Anakko, awnit kigad si Apo Dios ay omyali.”

Genesis 28:19

Nginadnana is Betel nan deey tean. (Ngem Luz nan ngadana id kasin.)

Genesis 32:30

Dat kanan Jacob, “Inilak nan angas Apo Dios dakpay daan kayet ay natatago.” Danat ngadnan san deey ay logal is Peniel.

1 Aali 17:8

Isnan namingsan et kinwanin nan apo ken Elias ay mamadtona en,

Exodo 17:15

Dat somapo si Moses is altar ay men-idatonana ta men-iyamanana ken Apo Dios. Nginadnana di is “Nan apo Nan Mangbadbadang Isnan Mangab-abakak.”

Juan 1:14

San Kali et ninbalin is ipogaw ay si Jesu Kristo dat makitee ken dakami. Am-in ay kinkinwanina et tet-ewa ya gawigawis nan inik-ikkana ay nangipaila isnan layadna. Inilami nan panakabalina ay inidyan Amana ken siya ay kedkedeng is Anakna.

Deuteronomio 32:36

Awnit isalakan nan apo nan ipogawna no ilaena ay maidet kabaelanda. Danat seg-angan daida ay mensilsilbi ken siya no ilaena ay nakapsotda.

1 Timoteo 3:16

Napatepateg ay maid dowadowana nan patpatiyen tako ay egay naipagtek id kasin ngem id wani inpagtek Apo Dios. Napateg tay ibagbagana nan maipanggep ken Kristo. Kankanana en, “Si Kristo et ninbalin is ipogaw dat mentee isnan batawa. Pinaneknekan nan Ispirito Santo ay siya nan Anak Apo Dios ay maid basolna. Inil-ilan nan aanghel siya. Naibagbaga siya isnan ipogaw isnan batawa ya adoado ken daida nan mamati ken siya. Inalan Amana siya ay mangipasagong id daya.”

Ookom 6:24

Dat somapo si Gideon is altar isdi pala isnan apo danat ngadnan is “Nan apo nan mang-it-ited is talna.” Et enggana id wani et daan kayet nan naay altar id Ofra isnan sakop nan dagan din si Abiezer.