Genesis 22:11 - Kalin Apo Dios

¹¹ ngem dat menbogaw nan anghel nan apo id ngato ay mangwani, “Abraham! Abraham!” “Ayta apo” kinwanin Abraham.

Genesis 22:11 Iomraidhean Croise

Genesis 22:1

Idi menbagot et si Isaac dat padasen Apo Dios si Abraham ta ilaena no tet-ewa ay patiyena siya. Kinwanina, “Abraham!” “Ayta Apo, naayak ya,” kinwanina.

Genesis 22:10

Danat alaen nan gipan ta pateyena koma nan anakna

Genesis 22:12

Dat kanan san anghel, “Ibadengmo nan gipan. Adim og-ogadan nan anakmo tay getkek ay tongtongpalem si Apo Dios tay adim iyimot nan laylaydem ay anakmo ken siya.”

Genesis 22:16

“Kanan nan Apo en gapo tay sak-en nan tet-ewa ay Dios et awnitak pagasingen sik-a et tomet-ewa nan naay tay egaymo inyimot ken sak-en nan kedkedeng ay anakmo.

Genesis 37:13

dat kanan amada ken Jose, “Kadya, omeyka id Sikem ay menpaspastolan nan bebsatmo isnan kalnilo ta ilaem no gawisda dakat somagong ta ibagam.” Dat kanan Jose en laydena isonga dat palobwaten amana siya isnan ilida ay Hebron et omey id Sikem. Idi inomdan si Jose id Sikem

Exodo 3:2

Dat menpaila ken siya isdi nan anghel Apo Dios ay kaneg menbidbidang ay apoy isnan tengan di kaiw. Inilan Moses ay menbidbidang san kaiw ngem adi kangkangkangpos.

Exodo 3:4

Idi mailan Apo Dios ay somagsag-en si Moses dat menkali isnan tengan san kaiw et kanana en, “Moses, Moses.” Dat somongbat si Moses ay mangwani en, “Ayta Apo, naayak ya.”

Isaias 6:8

Daket dengngen ay kanan nan apo, “Sino pay di esak ibaa? Sinoy esami bab-aaen?” Daket kanan, “Naayak ya, apo. Sak-en nan baaem.”

Aapostolis 26:14

Dakamit aped matokang dat wada nan dinngek ay mangwani isnan kali tako ay Hebreo, ‘Saulo, Saulo dakan mangpalpaligat? Maid silbin nan ik-ikkam tay nan awakmo met laeng nan palpaligatem.’

Aapostolis 9:4

Dat matokang et dengngena nan kali ay mangmangwani, “Saulo, Saulo, dakan palpaligaten sak-en?”

1 Samuel 3:10

Dat somag-en nan apo ken Samuel danapay kasin ayagan ay mangwani en, “Samuel.” Dat kanan Samuel, “Komalika apo tay mendedengeak ay baam.”

1 Samuel 3:4

dat kanan nan apo en, “Samuel.” Dat kanan Samuel en, “Ayta apo?” Tay inpagalopna en si Eli