Genesis 21:4 - Kalin Apo Dios

⁴ et idi maikawao ay agewna dat segyatan amana ay kaneg din inbilin Apo Dios.

Genesis 21:4 Iomraidhean Croise

Exodo 12:48

Ngem adi makikikan nan egay kasegyatan. No waday baken Israelita is nakiili ken dakayo ya kaytena ay makilagsak isnan naay ay fiestayo ay mangdayawanyo isnan apo et masapol ay segyatanyo omon-ona nan am-in ay lalaki isnan pamilyana. Daet maitapi et siya et menbalin ay Israelita ya mabalin et ay makilagsak isnan fiestayo.

Lucas 1:59

Nan ogalin di Judio et no maikawao ay agew nan onga dat madagop nan ag-ida et segyatanda dadapay ngadnan. Sinegyatanda san onga et ipangadanda koma nan ngadan amana ay Zacarias

Lucas 1:6

Gawis nan ogalida ay sin-asawa isnan pangiilaan Apo Dios tay pinatpatida am-in nan bilina.

Lucas 2:21

Issan maikawao ay agew san onga dadat segyatan dadapay ngadnan tay siya nan ogalin di Judio. Nan inpangadanda et Jesus tay siya san inbagan di anghel esapay mainginaw.

Aapostolis 7:8

Dat itoloy Esteban ay mangwani en, “Wada nan inbilin Apo Dios ken daida ta waday mangnemnemnemanda isnan nakitolagan Apo Dios ken daida. Et siya nan nangsegyatanda isnan an-akda ay lalalaki. Isonga idi binmala nan anak Abraham ay si Isaac et isnan maikawao ay agewna siya nan inikkan amana ken siya. Et siya met laeng nan inikkan Isaac isnan anakna ay si Jacob. Siya abes nan inikkan Jacob isnan simpoo ya dowa ay an-akna ay lalalaki ay kanan tako en am-a tako id kasin.