Genesis 21:3 - Kalin Apo Dios

³ Dat ngadnan Abraham is Isaac

Genesis 21:3 Iomraidhean Croise

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 17:21

Ngem tongpalek nan insapatak isnan anakmo ay si Isaac ay iyanak Sara isnan kaneg tona ay timpo is tew-en.” Issan deey met laeng ay agew et nasegyatan da Abraham, Ismael ya san lalalaki ay baada ay kaneg san inbagan Apo Dios.

Genesis 21:12

Ngem kinwanin Apo Dios ken Abraham, “Adika madanagan gapo isnan onga ya ken inana ay si Agar ay baam. Masapol ay ikkam nan am-in ay kanan Sara tay nan magapo isnan anakmo ay si Isaac nan aap-om ay inkalik ken sik-a.

Genesis 21:6

Kinwanin Sara, “Inpagasing Apo Dios sak-en. Awnit am-in ay mangdenge isnan inommat et makiammengda ken sak-en gapo isnan gasingda

Genesis 22:2

Dat kanan Apo Dios, “Ayagam nan kedkedeng ay anakmo ay si Isaac ay laylaydem ta omey kayo id Moria et awnit itdok isdi nan bilig ay omayanyo dakat pateyen siya ta poowam ay mang-idaton ken sak-en.”

Mateo 1:2

Si Abraham et siya nan aman din si Isaac. Si Isaac et aman Jacob. Si Jacob et aman din si Juda ya nan bebsatna.

Aapostolis 7:8

Dat itoloy Esteban ay mangwani en, “Wada nan inbilin Apo Dios ken daida ta waday mangnemnemnemanda isnan nakitolagan Apo Dios ken daida. Et siya nan nangsegyatanda isnan an-akda ay lalalaki. Isonga idi binmala nan anak Abraham ay si Isaac et isnan maikawao ay agewna siya nan inikkan amana ken siya. Et siya met laeng nan inikkan Isaac isnan anakna ay si Jacob. Siya abes nan inikkan Jacob isnan simpoo ya dowa ay an-akna ay lalalaki ay kanan tako en am-a tako id kasin.

Roma 9:7

Baken gedan am-in ay kaalapo ken Abraham is tet-ewa ay aap-ona is mangtawid isnan inkalin Apo Dios ken siya. Kaneg nan kinwanin Apo Dios ken Abraham en, “Kedeng nan magapo isnan anakmo ay si Isaac is tet-ewa ay aap-om ay inkalik ken sik-a.” Et am-in nan mamati et daida nan kaneg nan nagapo ken Isaac.