Genesis 21:2 - Kalin Apo Dios

² et maliton et iyanakna nan anakda ken Abraham ay lalaki issan timpo ay inbagan Apo Dios.

Genesis 21:2 Iomraidhean Croise

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 17:21

Ngem tongpalek nan insapatak isnan anakmo ay si Isaac ay iyanak Sara isnan kaneg tona ay timpo is tew-en.” Issan deey met laeng ay agew et nasegyatan da Abraham, Ismael ya san lalalaki ay baada ay kaneg san inbagan Apo Dios.

Genesis 18:10

Dat kanan nan esa ken daida ay nan apo, “Isnan maikasiyam ay bowan daket mensagong isna tay siya di nan mang-ipailaak isnan kabaelak ken Sara ay asawam tay awnit omanak is lalaki.” Ngem si Sara et wada isnan dokog di eneb ay mang-inanaag isnan kankananda.

Genesis 18:14

Ay kanana en waday adi mabalin is ikkak ay apo? Ngem awnit tomet-ewa san kinwanik tay isnan maikasiyam ay bowan daket mensagong isna tay siya di nan omanakan Sara.”

Lucas 1:36

Kaneg si Elisabet ay agiyo ay makwani en adi omanak et enem ay bowan nan litona id wani dapay nain-ina.

Aapostolis 7:8

Dat itoloy Esteban ay mangwani en, “Wada nan inbilin Apo Dios ken daida ta waday mangnemnemnemanda isnan nakitolagan Apo Dios ken daida. Et siya nan nangsegyatanda isnan an-akda ay lalalaki. Isonga idi binmala nan anak Abraham ay si Isaac et isnan maikawao ay agewna siya nan inikkan amana ken siya. Et siya met laeng nan inikkan Isaac isnan anakna ay si Jacob. Siya abes nan inikkan Jacob isnan simpoo ya dowa ay an-akna ay lalalaki ay kanan tako en am-a tako id kasin.

Roma 9:9

Tay esapay maiyanak si Isaac et inkalin Apo Dios ken Abraham en, “Is tew-en et ipailak nan kabaelak ken Sara ay asawam tay awnit omanak is lalaki.”

Galacia 4:22

Naisolat isnan kalin Apo Dios din dowa ay anak Abraham. Nan esa et anak din asawan Abraham ay baana ya nan esa et anak din asawana ay sigod.

Hebreo 11:11

Olay si Sara gedan ay asawan Abraham et no pay nain-ina siya ay adi makaanak ngem inmanak gapo isnan pammatina. Inmanak tay pinatina ay tongpalen Apo Dios nan inkalina ken siya.