Genesis 2:7 - Kalin Apo Dios

⁷ Dat alaen nan apo nan lota et sapowena is ipogaw danat isip-oy nan leng-ag di biyag isnan eeng nan sinapona dat matago san lalaki.

Genesis 2:7 Iomraidhean Croise

Genesis 1:27

Danat boliwen nan ipogaw is kanegna et lalaki ya babai nan binoliwna.

Genesis 2:6

Ngem binmala nan danom isnan daem di lota et opeena nan lota.

Genesis 3:19

Masapol ay menling-etka ay men-obla isnan lota esapay waday kanenyo engganay somagongka isnan lota ay nagapowam. Tay nan lota nan nagapowam et awnitka kasin menbalin is lota no mateyka.”

Genesis 3:23

Isonga dat pakaanen nan Apo ay Dios daida isnan galdin id Eden danat pakaykayen daida isnan lota ay nagapowanda.

Genesis 7:22

Owen, am-in ay men-ang-anges et nateyda

Salmo 100:3

Adiyo kalingkingan ay nan apo et Dios. Siya nan nangboliw ken datako et kowana datako. Owen, ipogawna datako et datako nan kanegna kalnilo ay ay-ayowanana.

Salmo 103:14

tay getkena nan menkapsotan tako ya gegetkena ay lota nan nagapowan tako.

Isaias 64:8

Ngem sik-a apo nan amami. Kaneg dakami nan kolayeng et kaneg sik-a nan mensapsapo is banga tay binoliwmo dakami

Ezekiel 37:5

Ibagam ay sak-en ay kangatowan ay apo et kankanak ken daida en, ‘Agtak dakayo is anges ta matago kayo kasin.

Ezekiel 37:6

Agtak dakayo is owat ya begas daket bongonen dakayo is kodil daket paangesen dakayo ta kasin kayo matago. Isnan keg todi et siya nan manggetkanyo ay sak-en nan apo.’ ”

Nomero 27:16

“apo ay Dios ay nagapowan di am-in ay biyag, pangaasim ngalod ta mendotokka is esay lalaki ay makaipango isnan deeyday ipogaw

Juan 20:22

Danat sip-oyan daida danapay kanan, “Dawatenyo nan Ispirito Santo.

Aapostolis 17:25

Et maid masapolna is mabalin is ibadang tako ay ipogaw ken siya tay siya nan mangiyal-ali isnan biyag tako ya am-iam-in ay masapol tako.

Roma 9:20

Ngem kanak en ayke mabalin ay songbatan nan aped ipogaw si Apo Dios? Ay mabalin ay kanan nan banga isnan nangsapo ken siya en aytay dan kaneg tona nan nangsapowam ken sak-en?

1 Corinto 15:45

Getken tako dadi tay wada nan naisolat isnan kalin Apo Dios ay mangwani en naagtan nan damo ay ipogaw ay si Adam is biyagna et siya nan kaneg tako ay nagapo ken siya. Ngem nan biyag ay nagapo ken Adam et matey. Ngem ninbalin si Kristo is ipogaw ay makwani en kombos Adam ay mang-ited isnan biyag ay maid patenggana.

1 Corinto 15:47

Si Adam et naboliw ay nagapo isnan lota ngem si Kristo et id daya nan nagapowana.

2 Corinto 4:7

Nan gawigawis ay damag ay intalek Apo Dios ken dakami tapno ibagbagami et siya nan kababanolan. Ngem ken datako ay ipogaw ay atiatik nan pategna ay kaneg nan banga ay atiatik nan banolna nan nangitalkana tapno magtek ay nan kabaelana ay maid polos naiyisowana nan magapgapowan nan kabaelan nan ipogaw ay mang-ikkan isnan naitalek ken daida.

2 Corinto 5:1

Tay getken tako ay olay matey nan sigod ay awak et wada nan balo ay awak ay ited Apo Dios ay naitken isnan awak tako tay nan balo ay awak et adi katey ya id daya nan menteteana.

1 Timoteo 2:13

Tay baken nan babai ay si Eva is damo ay binoliw Apo Dios nodi nan lalaki ay si Adam.

Hebreo 12:9

Nan am-a tako et dinosdosada datako et lispitowen tako daida gapo isnan nang-ik-ikkananda isdi. Isonga am-amed koma nan manglispitowan tako ya mangpatiyan tako ken Apo Dios ay Ama tako id daya tay nan menbanagan nan mangdosdosaana ken datako et matatatago tako ay enggana.