Genesis 2:4 - Kalin Apo Dios

⁴ Siya dadi nan naikkan isdin naboliwan di am-in ay wada. Isdin nangsapowan nan apo ay Dios isnan am-in

Genesis 2:4 Iomraidhean Croise

Genesis 1:1

Isdin loglogina ay esapay mawada nan am-in ay wada et binoliw Apo Dios nan daya ya nan batawa.

Genesis 1:28

Danat bindisyonan daida ay mangwani, “Maganak kayo tasiyay omad-ado nan ap-oyo ta maiwakatda isnan batawa ta menkowada. Dakayo ay ipogaw nan men-apo isnan ikan isnan baybay, isnan koykoyat ya isnan am-in ay matagtago isnan batawa.

Genesis 1:3

Dat kanan Apo Dios, “Mawadaka ay silaw.” Dat mawada.

Genesis 1:31

Inilan Apo Dios nan am-in ay binoliwna et ostoosto dat men-galalasing. Nakwas nan sinlabiyan dat mawakgat et siya di nan maikan-em ay agew.

Genesis 1:4

Men-gasing isnan inilana ay silaw danat teknen nan menpat-a ya nan menbolinget.

Genesis 2:3

Danat bindisyonan san maikapito ay agew ay mangwani en siya di nan kadayawan ay agew tay nakwas nan oblana et inmilleng isnan deey ay agew.

Job 38:4

Ay wadaka od isdin nangboliwak isnan batawa? Ala, no met laeng adoado nan getkem ibagam ngalod ken sak-en.

Salmo 18:31

Maid teken is Dios nodi nan apo et kedeng et kedkedeng si Apo Dios is pegnad di ipogaw.

Salmo 86:10

tay manakabalinka ya kedkedengka is makaikkan isnan kaskasdaaw. Sik-a kedkedeng nan Dios.

Isaias 44:6

Nan apo ay manakabalin ay mentoltolay ya mangsalsalaknib isnan Israel et siya na nan kanana, “Sak-en nan nangwada isnan am-in ay wada ya sak-en gedan nan mangkombos isnan am-in. Maid teken is dios nodi sak-en et kedeng.

Naipagtek 1:4

Nan mangipaw-itak isnan solat ay naay et omey isnan mamati ken Apo Dios ay mentetee isnan pito ay ili ay tapin di ili isnan probinsiya ay Asia. Sapay koma ta likliknaenyo nan gawis ay layad ya anos ya natalna ay nemnem ay magapgapo ken Apo Dios ya nan Ispiritona yas Jesu Kristo. Si Apo Dios et mawawawada ay maid logina wenno patenggana. Nan Ispiriton Apo Dios ay wada isnan sagangna et pito nan mangipailaana isnan panakabalin Apo Dios. Si Jesu Kristo et siya nan matalek ay mangpaneknek isnan maipanggep ken Apo Dios. Siya gedan nan damo ay natago kasin ay adi katkatey et siya gedan nan Apon am-in nan apo isnan naay ay batawa. Sapay koma ta siya nan madaydayaw ya mentoltolay ay enggana. Pilmi nan layadna ken datako. Sinakbotna datako isnan basbasol tako gapo isnan nateyana. Intapina datako isnan awnitna mentolayan et ninbalinena datako is mensilsilbi ken Amana ay Apo Dios ay kaneg nan ninsilsilbiyan nan papadin di Judio ken Apo Dios.

Naipagtek 1:8

Nan es-esa ay manakabalin ay Dios ay wawawawada ay maid logina wenno patenggana et kankanana en, “Sak-en nan nangwada isnan am-in ay wada et sak-en gedan nan awnit mangkombos isnan am-in.”

Naipagtek 11:17

“Apo Dios ay Apomi ay manakabalin ay wawawawada et men-iyaman kami ken sik-a tay id wani inpailam nan kaskasdaaw ay panakabalinmo et menlogi et nan mentolayam.

Naipagtek 16:5

Daket dengngen ay kanan nan anghel ay mangbanbantay isnan danom en, “Apo Dios ay maid kaneg di kagawismo ay wawawawada et ostoosto nan ikkam ay mendosa