Genesis 19:21 - Kalin Apo Dios

²¹ Dat teben san anghel, “Ala, owen. Olay adiyak engewen nan teeteen ay ili ay deey.

Genesis 19:21 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 18:24

No kaspangaligan waday limampoo is gawis ken daida, ay engewem kayet nan sinpangili? Ay adi mabalin ay adim engewen tasiyay adi katey san limampoo?

Genesis 19:20

No ngay nan teeteen ay ili ay deey tay as-asag-en no nan bilbilig. Ipalobosmo ta isdi nan omayanmi ta adiyak katey.”

Genesis 19:22

Ngem masapol ay ikamoyo tay adiyak makaikkan isnan ikkak engganay omdan kayo isdi!” (Gapo tay kinwanin Lot en teeteen isonga nangadnan san ili ay deey is Zoar tay siya di nan kananda isnan teeteen.)

Genesis 4:7

No osto koma nan ikkam et men-gasingka. Ngem gapo isnan ngawi ay inikkam et aw-awisen Satanas sik-a ay bomasol ngem masapol ay abakem siya.”

Salmo 102:17

Awnitna idnge nan nabaybay-an ay ipogawna et dengngena nan lowaloda.

Salmo 145:19

Idyana nan masapol nan mangdayaw ken siya ya dengngena pay nan agada danat isalakan daida.

Salmo 34:15

No nan gawis di ik-ikkan nan ipogaw et kanayon ay nemnemen Apo Dios siya ya dengngena nan lowalona.

Exodo 33:17

Dat kanan nan apo ken Moses en, “Ikkak nan inbagam tay getkegetkek sik-a dakpay kagagasing sik-a.”

Jeremias 14:10

Siya abes na nan kanan nan apo maipanggep isnan naayda ay ipogaw. Kanana en, “Laylaydenda ay itagtagan sak-en ya adida makaitpe isnan ik-ikkanda isonga adiyak magasingan ken daida. Nanemnemko id wani nan ngawi ay inik-ikkanda et dosaek daida.”

Mateo 12:20

Adina dokogan nan ipogaw ay teteteteen nan pammatida ya badangana nan kaseseg-ang. Itoltoloyna engganay abakena nan am-in ay ngawi isnan batawa.

Lucas 11:8

No ipapatim ay ngan ngata nan ikkana? Ibagak ken dakayo, olay no gayyemmo, adi bomangon ay mang-ated ken sik-a isnan masapolmo ngem gapo tay ipapatim et kapilitan ay bomangon et itedna nan am-in ay masapolmo.

Hebreo 2:17

Isonga masapol ay ninbalin siya is ostoosto ay kaneg tako ay bebsatna tapno menbalin siya is kangatowan ay padi ay mangitaktakdeg ken datako ken Apo Dios ay mangsegseg-ang ken datako ya mang-ik-ikkan ay ostoosto isnan oblana isnan mensilsilbiyana ken Apo Dios tapno mapakawan nan basbasol tako.