Genesis 19:16 - Kalin Apo Dios

¹⁶ Dapay mennenneney kayet si Lot ngem dat padangen san aanghel siya, si asawana ya san doway an-akna et ikaanda daida isdi tay sineg-angan nan apo daida.

Genesis 19:16 Iomraidhean Croise

Genesis 19:15

Idi mawakgat dat pakamkamowen san aanghel si Lot ay mangwani en, “Ikamom ta ayagam si asawam ya nan doway an-akmo ta komaan kayo isna tasiyay adi kayo matey.”

Salmo 103:13

Kaneg nan mangsegseg-angan di ama isnan an-akna nan mangseg-angan nan apo isnan mangpatpateg ken siya

Salmo 106:1

Madayaw nan apo. Men-iyaman tako isnan apo tay gawis siya ya nan adi menbalbaliw ay layadna et maid patenggana.

Salmo 106:8

Ngem insalakana kayet daida ay kaneg din inkalina ta ipailana nan pilmi ay kabaelana.

Salmo 107:1

Men-iyaman tako isnan apo tay gawis siya tay nan adi menbalbaliw ay layadna et maid patenggana.

Salmo 111:4

Adi ipalobos nan apo ay kalingkingan tako nan kaskasdaaw ay ik-ikkana. Wada nan kinagawis ya kinamanagseg-ang ken siya.

Salmo 118:1

Men-iyaman tako isnan apo tay gawis siya ya nan adi menbalbaliw ay layadna et maid patenggana.

Salmo 119:60

Adiyak mentaktak nodi dagos ay tongpalek nan bilbilinmo.

Salmo 136:1

Men-iyaman tako isnan apo tay gawis siya ya nan adi menbalbaliw ay layadna et maid patenggana.

Salmo 32:10

Ado nan ligat di makedse ngem wawawawada nan adi menbalbaliw ay layad nan apo isnan mentaltalek ken siya.

Salmo 33:18

Ngem nan mangpateg isnan apo, et banbantayana daida ay mangtaltalek isnan adi menbalbaliw ay layadna

Salmo 33:19

ta isalakana daida isnan tetey ya tatagowena daida isnan bitil.

Salmo 34:12

No sino ken dakayo nan manglayad ay gawis nan biyagna ya mentoltoloy nan men-gasgasingana

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Exodo 34:6

Dat lomaos isnan sasagangen Moses et kasina kanan en, “Sak-en nan apo ay Dios ay managseg-ang. Bakenak nalaka ay makaliget nodi managlayadak ya matalekak.

Exodo 34:7

Tongpalek nan insapatak isnan kalibolibo ay kap-owan nan ipogawko dakpay pakawanen nan basbasolda. Ngem dosaek nan managbasol ay enggana isnan maikatlo ya maikap-at ay aan-ak ya aap-oda.”

Nomero 14:18

‘Sak-en ay apo et bakenak nalaka ay makaliget et ipailak nan adi menbalbaliw ay layadko ya matalekak. Pakawanek gedan nan basol ya kinasokil. Ngem dosaek nan aan-ak ya aap-oyo isnan maikatlo ya maikap-at gapo isnan basol nan kaan-ak ken daida.’

Lucas 18:13

Ngem san mensingsingil is bowis et tinmakdeg isnan ad-addawi dapay egay nintangad id daya tay mabain danapay aped kegkegkegen nan pagaewna gapo isnan sakit di nemnemna ay mangmangwani en, ‘Apo Dios, maseg-angka ken sak-en tay adoado nan basolko.’”

Juan 6:44

Maid makaali ken sak-en no adi paaliyen Ama ay nangibaa ken sak-en et siya nan awnitak tagowen isnan kaodiyan ay agew.

Roma 9:18

Isonga getken tako ay seg-angan Apo Dios nan kayatna ay seg-angan ya pakentegena nan olon nan kayatna ay pakentegen.

2 Corinto 1:3

Dayawen tako si Apo Dios ay Aman Apo Jesu Kristo ya Diosna tay dadama ay maseg-ang ken datako danapay ay-ayowen datako isnan am-in ay ligat.

Deuteronomio 5:15

Adiyo kalkalingkingan ay baa kayo id Egipto et sak-en ay apo ay Diosyo nan nang-isalakan ken dakayo isnan panakabalinko. Isonga sak-en ay apo ay Diosyo et ibilinko ken dakayo ay adi kayo men-obla isnan agew di illeng.

Deuteronomio 6:21

Dakayot kanan en, ‘Id kasin et baa kami isnan alin di Egipto ngem insalakan nan apo dakami isnan pilmi ay kabaelana.

Tito 3:5

et insalakana datako. Ngem baken nan gawis ay inik-ikkan tako is gapo na. Nodi insalakana datako gapo isnan seg-angna. Gapo isnan nangkaanan nan Ispirito Santo isnan basbasol tako et inyalin Apo Dios nan balo ay biyag ay maid patenggana ken datako.

2 Pedro 2:7

Ngem wada nan esay ipogaw id Sodoma ay kangadan is Lot ay nang-ad-adi isnan ol-olay ay inik-ikkan nan ipogaw isdi. Mensakit ay pilmi nan nemnemna gapo isnan ngawi ay inil-ilana ya dindinngena ken daida. Isonga insalakan Apo Dios siya tapno adi maitapi ken daida ay matey tay osto nan nemnemna.

2 Pedro 2:9

Gapo isnan deeyda ay inommat id kasin et mamagtek ay getken Apo Dios ay mang-ikkan isnan osto tay isalsalakana nan mapalpaligatan ay ipogaw ay mangpati ken siya danapay dosaen nan adi mangpati ken siya. Awnitna dosaen isnan agew ay omdanan nan mangbanagana isnan ipogaw.