Genesis 19:14 - Kalin Apo Dios

¹⁴ Isonga dat omey si Lot isnan lalalaki ay inapona et kanana, “Ikamoyo ay komaan isna tay engewen Apo Dios nan ili ay naay!” Ngem kananda en aped ang-angawen Lot daida isonga adyanda ay komaan.

Genesis 19:14 Iomraidhean Croise

Genesis 19:15

Idi mawakgat dat pakamkamowen san aanghel si Lot ay mangwani en, “Ikamom ta ayagam si asawam ya nan doway an-akmo ta komaan kayo isna tasiyay adi kayo matey.”

Genesis 19:17

Dat kanan san anghel, “Ikamoyo ay lomayaw ta adi kayo katey! Ngem masapol ay adi kayo menligligos ay mang-ila isnan nagapowanyo ya adi kayo somalsaldeng engganay omdan kayo isnan bilbilig tasiyay adi kayo katey!”

Genesis 19:22

Ngem masapol ay ikamoyo tay adiyak makaikkan isnan ikkak engganay omdan kayo isdi!” (Gapo tay kinwanin Lot en teeteen isonga nangadnan san ili ay deey is Zoar tay siya di nan kananda isnan teeteen.)

2 Cronicas 36:16

Ngem sinelselatda nan mamadton Apo Dios dadapay am-ammengan ya adida ikaskaso nan kankananda engganay pilmi et nan liget nan apo isnan ipogawna et adida et mabalin ay mapakawan.

Exodo 12:31

Issan deey met laeng ay labi et pinaayagan san ali da Moses ken Aaron danat kanan ken daida en, “Komaan kayo ya nan iib-ayo ay Israelita isnan naay ay ilik. Enkayo mendayaw isnan apo ay din kinwaniyo.

Exodo 9:21

Ngem wadada nan egay nangikaskaso isnan kinwanin nan apo et binaybay-anda nan talakenda ya nan baada ay egay nangipalinong.

Isaias 28:22

Isaldengyo ay mang-am-ammeng isnan ibagbagak ken dakayo tay no men-ammeng kayo et awnit mendagsen nan dosayo. Tay inbagan nan apo ay manakabalin ken sak-en en awnitna dadaelen nan am-in ay ili tako.

Jeremias 20:7

Dat kanan Jeremias en, “Nang-allilawka apo. Wada nan kabaelam od mo sak-en isonga nang-abakka. Mangselaselat nan kaipoipogaw ya am-ammenganda et sak-en.

Mateo 1:18

Siya na nan inommat isnan naiyanakan Jesu Kristo. Si Maria ay awnit mangiyanak ken Jesus et naitoya ay makiasawa ken Jose. Ngem sadapay mentipon et naliton si Maria gapo isnan kabaelan nan Ispirito Santo.

Mateo 9:24

Danat kanan ken daida en, “Komaan kayo tay egay katey nan onga ay sana nodi maseseyep et kedeng.” Dadat sayoten siya.

Lucas 24:11

Ngem egay pinatin san aapostolis daida tay kananda en waay baken tet-ewa nan inbagada.

Lucas 9:42

Idi somagsag-en san onga ken Jesus dat pakedasen san anito danapay ibkas siya. Ngem dat bilinen Jesus san anito ta komaan isonga dat gomawis san onga dat kanan Jesus ken amana, “Naay nan anakmo.”

Aapostolis 17:32

Idi dinngeda nan nangwaniyan Pablo en wada nan kasin matago ay ipogaw et nin-ammeng nan tap-ina. Ngem nan tap-ina et kinwanida en, “Laydenmi ay dengngen nan kankanam is mamingsan kasin.”

1 Tesalonica 5:3

Isnan omdanan nan timpo ay deey et nan wada isnan nemnem di adi mamati et kananda en nasingpa nan biyagda ya maid madadanaganda. Dat domateng ay golpi nan dosa ay maid patenggana. Et maid somya is lomayawanda. Kaneg nan golpi ay menpasikalan nan omanak nan kaneg nan domatngan nan dosa ay maid patenggana ken daida.