Genesis 19:13 - Kalin Apo Dios

¹³ tay engewenmi nan ili ay naay tay dinngen nan apo nan ngawi ay ik-ikkan nan ipogaw isna isonga inbaana dakami ay mang-engew.”

Genesis 19:13 Iomraidhean Croise

Genesis 13:13

Nan ipogaw isdi et ngawi nan ik-ikkanda et dadama nan basolda isnan apo.

Genesis 18:20

Isonga dat kanan nan apo ken Abraham, “Dinngek nan dadama ay ngawi ay ik-ikkan nan ipogaw id Sodoma ya id Gomorra et masapol ay madosada.

Genesis 19:12

Kinwanin san dowa ay lalalaki ken Lot, “No waday an-akmo, inapom ya ag-im is mentetee isnan ili ay naay dakat ayagan daida ta komaan kayo

Aapostolis 12:23

Dat dosaen Apo Dios siya tay laylaydena nan mangdayawanda ken siya dapay maid polos panangdayawna ken Apo Dios. Isonga inpa-eyna ay dagos nan esay anghelna ay mangipasakit ken siya. Dat aped mabanogis nan awakna et egay nabayag dat matey.

Santiago 5:4

Getken Apo Dios ay kangatowan ay Apo ay sos-owitikenyo nan mangsamsama isnan payewyo. Dengdengngena nan mensegseg-anganda ken siya ta badangana daida tay adi omanay nan ilaglagboyo ken daida.

Judas 1:7

Dinosan Apo Dios gedan nan iSodoma ya iGomora ya nan ipogaw isnan tapin di il-ili ay naisasag-en. Pinateyna daida gapo isnan ngawi ay inik-ikkanda tay nan lalalaki ken daida et nan iib-ada ay lalalaki nan binigawanda ay asawaen. Kaneg nan nang-adyan nan aanghel ay mang-ikkan isnan osto ay lebbengda et siya nan kaneg abes nan inikkan nan iSodoma ya iGomora ay nang-adi isnan osto ay maikkan. Nan nangpoowan Apo Dios ken daida ya nan il-ilida et siya nan nangipagtek ay dosaen Apo Dios nan mang-ik-ikkan isnan ngawi.