Genesis 18:6 - Kalin Apo Dios

⁶ Inkakamon Abraham ay songgep danat kanan ken Sara, “Ikamom kad ay men-oto is gawis ay tinapay tay wada nan sangaili tako.”

Genesis 18:6 Iomraidhean Croise

Genesis 18:5

dakpay omala gedan is bassit ay makan ta waday ikilegyo ay mendaan ay omey is ayanyo. Dadama nan gasingko isnan inmaliyanyo isnan baeyko.” Dadat kanan, “Men-gasing kami abes ay inmali isnan kad-anyo.”

Genesis 18:7

Dat tomagtag et omey isnan kad-an di talakena et piliyena nan menlames ay anak di baka et idyana isnan baana danat kanan, “Ikamom ta paltiyem sa dakat otowen.”

Genesis 19:3

Ngem inpapatina isonga nakkeyda ken siya danat pakanen daida ay gawis.

Salmo 119:60

Adiyak mentaktak nodi dagos ay tongpalek nan bilbilinmo.

Mateo 13:33

Dat kasin menpangngalig et kanana en, “Naay pay abes nan kaneg nan mentolayan Apo Dios. Kanegna nan bobod ay intapin nan in-ina isnan tinapay ay olay bassit et bomma isnan kaibobodana.”

Aapostolis 16:15

Dadat menpabonyag ay sinbaey. Danat kanan ken dakami, “Mo kananyo en tet-ewa ay mamatiyak ken Apo Jesus, omali kayo isnan baeymi ta makitee kayo.” Inpapatina isonga inmey kami.

Roma 12:13

Men-ited kayo is badang isnan iib-ayo ay mamati ay makasapol is badang dakayopay men-gasing ay mangsangaili isnan somikom.

Galacia 5:13

Bebsatko, kayat Apo Dios ay mawayaan kayo ta adi kayo mapilpilit ay mangsolot isnan linteg Moses. Ngem adiyo kanan en nawayaan kayo isnan linteg ta ikkanyo nan kompolmi ay kayatyo. Nodi menbinadang kayo gapo isnan menlinayadanyo.

Hebreo 13:2

Sangailiyenyo ay gawis nan sangaili tay id kasin et wadada nan nang-ikkan dat anghel obpay nan sinangailida.

1 Pedro 4:9

Men-gasing kayo koma ay mensinangaili.

Ookom 6:19

Dat songgep si Gideon isnan baeyna et otowena nan anak di kalding ya ninmasa is esay kilo ay arina ay otowena is tinapay ay maid bobodna. Danat iyey nan tinapay, nan nabibitoto ay naoto ay kalni ya nan nasosokong ay digo issan anghel Apo Dios ay wada issan silok di kaiw.