Genesis 18:23 - Kalin Apo Dios

²³ Dat kanan Abraham isnan apo, “Ay tet-ewa ay engewem am-in ay ipogaw isdi olay no gawis nan tap-ina?

Genesis 18:23 Iomraidhean Croise

Genesis 18:24

No kaspangaligan waday limampoo is gawis ken daida, ay engewem kayet nan sinpangili? Ay adi mabalin ay adim engewen tasiyay adi katey san limampoo?

Genesis 18:25

Waay adim tet-ewa itapi ay mangpatey isnan gawis! Baken kapapati ay ikkam di! Tay no siya di nan ikkam et maitapi ay madosa nan gawis isnan ngawi. Waay baken di is ikkam tay nan mangbanag isnan am-in ay ipogaw et masapol ay osto nan ik-ikkana.”

Salmo 73:28

Ngem ken sak-en pay et nan maisasag-enak ken sik-a nan lagsakko. Apo Dios ay kangatowan, sik-a nan makneg ay menkamkamangak daket ipagpagtek nan am-in ay ik-ikkam.

Hebreo 10:22

Isonga somag-en tako ken Apo Dios gapo tay tet-etet-ewa ay layden tako ay ikkan ya adi tako koma mendowadowa ay mamati ken siya. Somag-en tako ken siya tay nadalosan tako gapo isnan nateyan Kristo tay kinaana nan ngawi isnan nemnem tako ya kegna inowasan nan awak tako is menlengleng ay danom.

Santiago 5:16

Isonga no binmasol kayo isnan iib-ayo et masapol ay menpakawan kayo. Masapol gedan ay ilowalowanyo nan iib-ayo tasiyay gomawis nan saksakityo. Tay nan lowalon nan mamati ay gawigawis nan ik-ikkana et pilmi nan kabaelana.

Santiago 5:17

Kaneg din si Elias ay mamadto id kasikasin. Ipogaw siya ay kaneg tako ngem inpapasnekna ay nangilowalo ken Apo Dios ta adi omod-odan dat egay tet-ewa inmod-odan is toloy tew-en ya kagedwa.