Genesis 18:21 - Kalin Apo Dios

²¹ Id wani lomayogak ay mang-ila no tet-ewa nan dinngek ta engewek daida.”

Genesis 18:21 Iomraidhean Croise

Genesis 11:5

Idi sas-aadenda di dat ilaen nan apo nan ili ya nan andoandoando ay baey ay sapsapowenda

Genesis 11:7

isonga masapol ay tekneteknek nan kalida tasiyay adida menkinaawatan.”

Genesis 18:17

Dat kanan nan apo isnan nemnemna, “Waay ipagtekko ken Abraham nan awnitko ikkan id Sodoma ya id Gomorra

Salmo 14:2

Oosdongan nan apo id daya nan kaipoipogaw ta ilaena no waday olay esa koma is masilib ya no waday olay esa is mangdayaw ken siya.

Salmo 90:8

Gegetkem nan kinakedsemi is ken sik-a. Mailam pay nan adi kaila ay basolmi.

Exodo 3:8

Isonga inmaliyak tapno isalakak daida isnan iyEgipto ya ta ikaanko daida isnan kabaelan di iyEgipto ta iyeyko daida isnan gawigawis ya magabay ay ili. Isdi nan menteteean nan naayda ay Cananeo, Heteo, Amorreo, Perezeo, Heneo ya Jebuseo id wani.

Jeremias 17:10

Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”

Jonas 1:2

Kinwanina en, “Omeyka isnan dakkel ay ili ay Nineve ta ibagam en awnitko bakasen nan deey ay ili tay getkek nan kangawin nan ipogaw isdi.”

Sofonias 1:12

Kanan nan apo en, “Isnan deey ay timpo et awnitak tanggewan id Jerusalem ta anapek nan mamapnek ya mangtaltalek et kedeng isnan aw-awakda ta dosaek daida. Daida ay mangmangwani en, ‘Maid polos ikkan nan Dios is ngawi wenno gawis.’

Lucas 16:15

Dat kanan Jesus ken daida, “Dakayo nan aped mangmangwani isnan ipogaw en gawis kayo ngem getken Apo Dios nan kaipogawyo. Tay olay nan mapaay isnan ipogaw et adi paayen Apo Dios.

Juan 6:38

Tay egayak nagapo id ngato ay omali ay mang-ikkan isnan laylaydek nodi nan layden nan nangibaa ken sak-en nan ikkak.

2 Corinto 11:11

Ay kananyo en maid layadko ken dakayo tay adiyak omala ken dakayo is masapolko? Adiyo kanan tay getken Apo Dios ay laylaydek dakayo.

Deuteronomio 8:2

Nenemnemenyo nan inikkan nan apo ay nang-ipangpango ken dakayo isnan ninbab-aatanyo isnan pondag isnan epatpoo ay tew-en. Pinasingpetna dakayo isnan nangpaligatana ay nangpadas ken dakayo ta mangtekana isnan wada isnan nemnemyo no met laeng tongpalenyo nan bilbilina.

1 Tesalonica 4:16

Siya na nan awnit ommat. Awnit menbogaw si Kristo ay mang-ayag isnan mamati ken siya. Dat menbogaw abes nan esay kangatowan ay anghelna ya madnge nan tanggoyob Apo Dios. Dat lomayog nan Apo tako ay si Jesus ay magapo id daya. Danat tagowen nan awak nan natnatey ay mamati ken siya.

Hebreo 4:13

Owen, isnan am-in ay binoliw Apo Dios et maid mabalin is maigago ken siya tay getkena nan am-iam-in ay maipanggep ken daida. Isonga makail-ilan tako tay siya nan masapol ay awnit tako mangibagbagaan isnan am-in ay ik-ikkan tako isnan natatagowan tako isnan batawa no banagena datako.