Genesis 18:19 - Kalin Apo Dios

¹⁹ Pinilik siya tasiyay ibilina koma isnan an-akna ya ap-ona ay tongpalenda sak-en ya ikkanda nan gawis ya osto. No siya di nan ikkanda et tongpalek am-in ay insapatak ken siya.”

Genesis 18:19 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 17:9

Intoloy Apo Dios ay mangwani ken Abraham, “Nan ikkanyo abes et masapol ay tongtongpalenyo sak-en ay Diosyo, dakayo ya nan aap-oyo.

Genesis 22:18

Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

Nehemias 9:7

Sik-a apo ay Dios nan nangpili ken Abram dakat ikaan siya id Ur isnan Babilonia dakat sokatan nan ngadana is Abraham.

Salmo 1:6

tay kawkawanan nan apo nan nalinteg dapay awnit madadael nan managbasol.

Salmo 11:4

Nan apo et wada isnan napateg ay templona et mentolay id daya. Iilaena nan kaipoipogaw isnan batawa et getkena nan ik-ikkanda.

Salmo 34:15

No nan gawis di ik-ikkan nan ipogaw et kanayon ay nemnemen Apo Dios siya ya dengngena nan lowalona.

Amos 3:2

Kanana en, “Isnan am-in ay il-ili isnan batawa et kedkedeng kayo is pinilik ay ipogawko. Siya na nan mangpadagsen isnan basbasolyo isonga masapol ay dosaek dakayo.

Mateo 25:17

Siyang na gedan nan inikkan san naagtan is doway libo et doway libo abes nan galansiyana.

Juan 10:14

Ngem sak-en nan kagawisan ay menbanbantay tay nan ikkanmi ken Ama ay men-gin-ginetek et siya nan kaneg nan kalnilok tay getkek daida ya mangtekda abes. Et olay mateyak basta matago nan kalnilok.

Juan 21:17

Dat pitlowan Jesus ay mangwani, “Simon, ay anak Juan, ay manglaylayadka tet-ewa?” Dat menseseg-ang si Pedro tay namitlo ay sinoot Jesus no laylaydena siya danat kanan, “Apo, getkem nan am-in et getkem ay laylaydek sik-a.” Dat kanan Jesus ken siya, “Banbantayam ngalod nan kakalnilok.

Aapostolis 27:31

Idi gintek Pablo nan kayatda ay ikkan danat kanan isnan kapitan ya nan sosoldadona, “No lomayaw nan deeyda ay men-obla isnan bapor et awnit maid matago ken datako.”

Efeso 6:4

Dakayo pay ay am-a ya in-a et adiyo paligligten nan an-akyo nodi itdoyo nan gawis ay layden Jesu Kristo ya bagbagaanyo daida tasiyay gawis nan ik-ikkanda.

Deuteronomio 32:46

danat kanan en, “Makailanyo ta tongpalenyo tet-ewa nan bilbilin ay inbagak ken dakayo id wani. Dayot ipagtek abes isnan an-akyo ta tongpalenda gedan ay ostoosto nan bilbilin Apo Dios

1 Timoteo 3:12

Nan bomadbadang et masapol abes ay es-esa nan asawana ya getkena abes ay mang-olnos ay gawis isnan an-akna ya am-in ay pamilyana.

2 Timoteo 1:5

Nenemnemek nan pammatim ay tet-etet-ewa ay kaneg nan pammatin Loida ay alapom ya nan pammatin Eunice ay inam.

2 Timoteo 2:19

Ngem am-in ay kankanan Apo Dios et tet-etet-ewa ay adi masokasokat ay kaneg nan dakkel ay bato ay maid makaiwedwed. Et kankanana ay getkena nan tet-ewa ay maitatapi ken siya. Ya kankanana abes en no kanam en esaka ay maitatapi ken siya et masapol ay adim ik-ikkan nan ngawi.

2 Timoteo 3:15

Enggana isdin kaongam et getkem nan kalin Apo Dios ay naisolat id kasikasin. Siya na nan nangtekam isnan osto tapno maisalakanka gapo isnan mamatiyam ken Jesu Kristo.

Josue 24:15

No adiyo kayten ay mensilbi isnan apo et menpili kayo id wani no sino nan silbiyanyo. Ay silbiyanyo nan sinangdidios ay dinaydayaw din alal-apoyo isdin kawad-anda id Mesopotamia wenno nan dios di Amorreos ay akindaga isnan Canaan ay menteteanyo id wani. Ngem sak-en pay ya nan pamilyak et nan apo nan mensilbiyanmi.”