Genesis 18:10 - Kalin Apo Dios

¹⁰ Dat kanan nan esa ken daida ay nan apo, “Isnan maikasiyam ay bowan daket mensagong isna tay siya di nan mang-ipailaak isnan kabaelak ken Sara ay asawam tay awnit omanak is lalaki.” Ngem si Sara et wada isnan dokog di eneb ay mang-inanaag isnan kankananda.

Genesis 18:10 Iomraidhean Croise

Genesis 17:16

Bindisyonak siya tay awnitak agtan siya is anakyo is lalaki. Awnit siya nan inan nan kaipoipogaw isnan kailiili et awnit wadada nan ap-ona ay menbalin is ali.”

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 17:21

Ngem tongpalek nan insapatak isnan anakmo ay si Isaac ay iyanak Sara isnan kaneg tona ay timpo is tew-en.” Issan deey met laeng ay agew et nasegyatan da Abraham, Ismael ya san lalalaki ay baada ay kaneg san inbagan Apo Dios.

Genesis 18:9

Idi nakakanda dadat kanan ken Abraham, “Into pay si Sara ay asawam?” Danat kanan, “Wada id leem.”

Genesis 21:1

Tinongpal nan apo din insapatana ay ikkana ay mangbindisyon ken Sara

Genesis 21:2

et maliton et iyanakna nan anakda ken Abraham ay lalaki issan timpo ay inbagan Apo Dios.

Lucas 1:13

Ngem dat kanan san anghel ken siya, “Adika omegyat Zacarias. Inmaliyak ay mangibaga ken sik-a en dinngen Apo Dios nan lowalom et awnit omanak si Elisabet ay asawam is lalaki dakat ngadanan is Juan.

Galacia 4:23

Naliton din asawana ay baa et baken kaskasdaaw tay sigod ay malitlitonan nan babai. Ngem egay naliton nan sigod ay asawana no egay inkalin Apo Dios ay awnit omanak tay nain-iin-ina siya.

Galacia 4:28

Bebsatko, datako ay mamati nan palpalison din si Isaac ay anak nan baken baa. Tay naiyanak siya gapo isnan nangpatiyan nan napowana isdin inkalin Apo Dios. Et datako abes, an-ak Apo Dios datako gapo tay pinati tako nan inkalina.