Genesis 18:1 - Kalin Apo Dios

¹ Isnan esay agew et ninpaila nan apo ken Abraham issan kad-an di kak-aiw id Mamre. Siya na nan inkana ay ninpaila. Idi itotokdon Abraham isnan pantewda isnan kag-aw

Genesis 18:1 Iomraidhean Croise

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 13:18

Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.

Genesis 15:1

Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

Genesis 18:22

Dat komaan san dowa ay lalalaki et omeyda id Sodoma ngem nan apo et nataynan ken Abraham.

Exodo 4:1

Daet kanan Moses isnan apo en, “Ngem no pay adi mangpati nan Israelita ya adida mang-idnge dadapay kanan en egayka ninpaila ken sak-en, ngan pay di ikkak?”

Aapostolis 7:2

Dat kanan Esteban ay mangwani en, “Dakayo ay ap-apok ya aam-ak ya bebsatko, nemnemenyo pod nan inik-ikkan Apo Dios ken datako ay Judio enggana id kasin. Si Apo Dios ay kangatowan et ninpaila ken Abraham ay din alapo tako isdin ninteteana id Mesopotamia isdin egay pay laeng nin-alisana id Haran.

Hebreo 11:9

Nakitee da Abraham ay kaneg sangaili isnan ili ay pinatina ay awnitna kowa tay siya nan inkalin Apo Dios ken siya. Ninbabaeyda isnan aped nasapo is kodil tay baken di is osto ay menteteanda. Gapo tay paliso nan inkalin Apo Dios ken daida et keg todi gedan nan inikkan Isaac ay anakna. Siyang na gedan nan apona ay si Jacob tay apedda nakitet-ee ay kanegda sangaili.

Hebreo 13:2

Sangailiyenyo ay gawis nan sangaili tay id kasin et wadada nan nang-ikkan dat anghel obpay nan sinangailida.