Genesis 17:8 - Kalin Apo Dios

⁸ Idyak ken sik-a ya nan ap-om nan naay ili ay menteteanyo. Am-in nan ili ay Canaan et kowan nan ap-om ay eng-enggana et sak-en nan Diosda.”

Genesis 17:8 Iomraidhean Croise

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 13:15

tay idyak ken sik-a ya nan ap-om nan am-in ay iilaem et kowayo ay eng-enggana.

Genesis 13:17

Id wani omeyka ta tamaangem nan dakedake ay ili isna tay idyak am-in ken sik-a.”

Salmo 103:17

Ngem nan adi menbalbaliw ay layad nan apo et mawawawada isnan mangpatpateg ken siya ya nan kinalintegna et mentoltoloy isnan aap-oda ay eng-enggana.

Salmo 105:11

Tay kinwanina en, “Awnitko idya nan daga ay Canaan ken dakayo ta siya nan tawidyo.”

Salmo 105:9

Adina kalkalingkingan san nakitolagana ken Abraham ay kasina inkali ken Isaac.

Exodo 32:13

Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Exodo 6:4

Inkalik ken daida gedan ay idyak ken daida nan bakenda kowa ay ili ay Canaan ay din ninteteanda.

Exodo 6:7

Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Ezekiel 11:20

ta ikkanda nan lintegko dadapay tongpalen ay ostoosto nan am-in ay bilbilinko. Awnit daida et nan ipogawko et sak-en nan Diosda.”

Zacarias 8:8

tay ayagak daida isnan solsolin nan batawa ta isagongko daida id Jerusalem ay teanda. Awnit daida nan ipogawko et sak-en nan Diosda ya nalinteg ya gawis nan ikkak ay mang-itolay ken daida.

Nomero 27:12

Nadandan pay nan kaat ay agew dat kanan nan apo ken Moses en, “Tomikidka isnan bilig ay Abarim ta osdongam nan daga ay idyak isnan Israelita.

Aapostolis 7:5

Issan inmaliyan Abraham isnan kad-an tako id wani et maid polos inidyan Apo Dios is dagana is olay teeteen. Ngem nakitolag si Apo Dios ay mangwani en awnitna idya ken siya ta ipatawidna isnan anakna ya nan ap-ona. Isnan nangwaniyana isdi et maid pay laeng anak da Abraham.

Deuteronomio 32:49

“Omeyka isnan bilbilig di Abarim id Moab ay dedemangen nan ili ay Jerico dakat tikiden nan esay biligna ay Nebo ta osdongam nan daga ay Canaan ay awnitko idya isnan Israelita.

Deuteronomio 32:8

Isdin nang-idyaan nan Kangangatowan isnan kaipoipogaw is dagdagada et ninemnemna nan wasdin ili ay menteanda. Inagtana pay nan tonggal esay ili is men-ayowan ken daida.

Deuteronomio 34:4

Dat kanan nan apo ken Moses en, “Siya na nan daga ay inkalik ken da Abraham, Isaac yas Jacob en itedko isnan aan-ak ya aap-oda. Ipailak dana ken sik-a ngem adiyak ipalobos ay omeyka isdi.”

Deuteronomio 4:37

Gapo tay linaylayadna din alal-apoyo et pinilina dakayo ay ap-oda ay men-ipogawna. Dat siya mismo nan nang-ikaan ken dakayo id Egipto isnan pilmi ay kabaelana.

Hebreo 9:15

Gapo tay kaneg todi nan kabaelan nan basan Kristo et siya nan mentetenga isnan ipogaw ya ken Apo Dios ay mangipatet-ewa isnan balo ay tolag. Inikkana di tapno nan am-in ay inayagan Apo Dios et makatawidda isnan inkalina ay itedna ay maid patenggana. Mabalin ay maited dadi tay natey si Kristo ay nangsobot ken datako tapno mawayaan tako ay adi bomasbasol ay kaneg nan inik-ikkan tako isnan nangsolsolotan tako isnan damo ay tolag.

Naipagtek 21:7

Nan adi mangipalobos ay abaken Satanas daida et sak-en nan Diosda ya menbalinek daida is an-akko.