Genesis 17:7 - Kalin Apo Dios

⁷ Adiyak kalkalingkingan ay eng-enggana nan sapatak ken sik-a ya isnan ap-om is kasin tay sak-en nan Diosmo ya Dios nan kaap-oap-om.

Genesis 17:7 Iomraidhean Croise

Genesis 15:18

Et siya na nan nakitolagan nan apo ken Abram ay nangwaniyana en, “Isapatak ay idyak isnan ap-om nan am-in ay daga ay menlogi isnan beddeng di Egipto enggana isnan ginawang ay Eufrates.” Kinwanin Apo Dios en agtana si Abram is adoado is ap-ona ngem si Sarai ay asawana et adi kayet omanak isonga dat ibagan Sarai ken Abram en iseyepna si Agar ay baan Sarai tasiyay omanakda. Dat omanak tet-ewa si Agar is lalaki dat ngadnan Abram is Ismael.

Genesis 17:13

Masapol ay masegyatan am-in ay lalalaki tay siya na nan sinyal di awak ay mangipaila ay nan insapatak ken dakayo et adi kakak-aan ay eng-enggana.

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Genesis 6:18

ngem isapatak ken sik-a en isalakanko dakayo. Isonga awnit kayo songgep isnan bapol, dakayo ay sin-asawa, nan an-akmo ya nan as-awada.

Genesis 9:16

Owen, no wada nan batikaang id daya et ilaek daket nemnemen nan insapatak isnan am-in ay matmatago isnan batawa.

Salmo 81:10

tay sak-en nan apo ay Diosyo ay nang-ikaan ken dakayo id Egipto. Sak-en pay gedan nan mangidya isnan am-in ay masapolyo.

Exodo 3:15

Kinwanina pay en, “Ibagam isnan Israelita en sak-en nan apo ay Dios din alal-apoyo id kasin ay da Abraham, Isaac, yas Jacob nan nangibaa ken sik-a ay omey ken daida. Siya na nan ngadanko ay eng-engngana. Siya na nan awnit pangwanin nan am-in ay ipogaw ken sak-en.

Exodo 3:6

Dat itoloy Apo Dios ay mangwani en, “Sak-en nan Dios ay daydayawen din alal-apoyo id kasin ay da Abraham, Isaac yas Jacob.” Dat oppopen Moses nan angasna tay omegyat ay mang-ila ken Apo Dios.

Exodo 6:4

Inkalik ken daida gedan ay idyak ken daida nan bakenda kowa ay ili ay Canaan ay din ninteteanda.

Exodo 6:7

Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Isaias 61:8

Kanan nan apo en, “Laydek nan kinalinteg ngem kaliligetko nan men-ak-akew ya nan tapin di ngawi ay maik-ikkan. Awnitko tet-ewa sobalitan is gawis nan ipogawko isnan napalpaligatanda dakpay makitolag ken daida is tolag ay maid patenggana.

Mateo 22:32

‘Sak-en nan Dios ay daydayawen da Abraham ken Isaac ya si Jacob.’ Ngem epdas natey da Abraham issan nangwaniyan Apo Dios isdi. Et siya di nan manggetkan tako ay matatago kayet nan natey ay ipogaw Apo Dios tay adi kabalin ay kanan Apo Dios en daydayawenda siya kayet no egayda natago kasin.”

Marcos 10:14

Ngem idi inilan Jesus danat sagiiten daida ay mangwani, “Palobosanyo nan oongong-a ay omali ken sak-en. Adiyo iyadi daida tay nan mangtalek ken sak-en ay kaneg nan naayday oongong-a et daida nan maitapi isnan mentolayan Apo Dios.

Aapostolis 2:39

Tay nakitolag si Apo Dios ay mangwani en, ‘Am-in kayo ay ayagak et awnit komapet nan Ispirito Santo ken dakayo ya nan an-akyo ya nan ap-oyo, olay nan ipogaw ay baken Judio olay sino ay ipogaw ay ayagak et makapetda isnan Ispirito Santo.’”

Roma 9:4

Pilmi nan kinapategda tay daida nan pinilin Apo Dios et ninbalinena daida is an-akna. Et inpap-ailana nan kinadiosna ken daida. Wada abes nan nakitolagana ken daida ya intedna nan lintegna. Inpagtekna gedan nan osto ay ik-ikkanda ay mangdayaw ken siya ya adoado nan gawis ay inkalina ken daida.

Efeso 2:2

Din ogaliyo et kaneg nan ngawi ay ikkan nan mangnemnemnem isnan biyagda isnan naay ay batawa et kedeng tay pinatpatiyo gedan nan layden Satanas ay apon am-in di anito ya nan mang-adi ay mangpati ken Kristo.

Hebreo 11:16

Ngem egayda nodi kakakakayatda nan kagawisan ay ili et siya nan kad-an Apo Dios. Isonga gapo isnan gawis ay pammatida et maid polos kabainan Apo Dios isnan nangwaniyanda en si Apo Dios nan Diosda. Mamagtek ay tet-ewa di tay wada nan ili ay insaganana ay pala ken daida.

Hebreo 8:10

Ngem siya na nan balo ay makitolagak isnan magapo ken Israel. Kanak en awnitak ipagtek nan lintegko isnan nemnemda. Ipanemnemko ken daida ta adida polos kalkalingkingan. Awnit sak-en nan Diosda ya daida nan ipogawko.