Genesis 17:5 - Kalin Apo Dios

⁵ Nan ngadanmo id wani et baken Abram nodi Abraham tay awnitak menbalinen sik-a ay aman di adoado ay klasin di ipogaw.

Genesis 17:5 Iomraidhean Croise

Genesis 17:15

Intoloy Apo Dios ay mangwani, “Si Sarai ay asawam et adim kankanan en Sarai tay nan menngadana id wani et Sara.

Genesis 32:28

Dat kanan san am-ama, “Menlogi id wani et baken et Jacob nan ngadanmo tay nakidamaka ken Apo Dios ya isnan ipogaw et nangabakka isonga Israel et nan menngadanmo.”

Genesis 32:29

Dat kanan Jacob, “Dawatek ta ibagam nan ngadanmo.” Ngem danat kanan, “Ayta dakan kayten ay manggetek isnan ngadanko?” Danat bindisyonan si Jacob dat komaan.

Nehemias 9:7

Sik-a apo ay Dios nan nangpili ken Abram dakat ikaan siya id Ur isnan Babilonia dakat sokatan nan ngadana is Abraham.

Jeremias 23:6

Isnan timpona et awnitda maisalakan ay Juda ya awnit maid iyeg-egyatda ay Israel. Awnit ngadananda nan deey ay ali is ‘Nan apo ay Mangisalsalakan.’ ” Siya dadi nan kinwanin nan apo.

Juan 1:42

Dat bowegen Andres si Simon et omeyda ken Jesus. Dat inengneng Jesus siya danat kanan, “Sik-a si Simon ay anak Juan ngem menngadanmo et nan Cefas.” (Nan ngadan ay naay isnan kalin di Judio et paliso nan kanana isnan ngadan ay Pedro ay makwani en bato.)

Roma 4:17

ay kaneg nan naisolat ay inbagan Apo Dios ken siya ay mangwani en, “Menbalinek sik-a is aman nan adoado ay kalasin di ipogaw.” Siya di nan kinwanina. Et natongpal nan kinwanina tay isnan nemnem Apo Dios et siya nan ama tako ay mamati. Si Apo Dios nan makabael ay mangtago isnan natey ya mangpawada isnan maid et siya nan Dios ay pinatpatin Abraham.

Naipagtek 2:17

No waday ingayo et idngeyo nan ibagbagan nan Ispiriton Apo Dios isnan mamati ay madagdagop ay mangdaydayaw ken sak-en isnan il-ili. Nan adi mangipalobos ay abaken Satanas et awnitak agtan siya isnan makan ay makwani en manna ay adi maila id wani. Wasdin esa ken daida et agtak abes is polaw ay bato ay naisolatan nan balo ay ngadana ay kedeng nan mangdawat is mangtek.”