Genesis 17:4 - Kalin Apo Dios

⁴ “Isapatak ken sik-a en agtak sik-a is adoado ay ap-om.

Genesis 17:4 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 13:16

Awnitak agtan sik-a is adoadoado ay apo et maiwed makabilang ken daida am-in nodi nalaklaka ay mabilang nan lagan isnan batawa no daida.

Genesis 22:17

Isapatak ay agtak sik-a is adoado ay apo ay kaneg nan kaad-adon nan talaw id daya wenno nan lagan isnan benget di baybay. Nan ap-om et awnitda abaken nan mangbosboso ken daida.

Genesis 25:23

Dat kanan nan apo, “Nan an-akmo ay wada isnan egesmo et awnitda menbalin ay apon di dowa ay ili et awnit menbibinosoda. Nan esa et awnit napigpigsa no nan esa et nan iyon-a et awnit menbaan nan innodi.”

Genesis 32:12

Tay insapatam ken sak-en en gawis nan ikkam ken sak-en ya awnitmo paadoadowen nan ap-ok ay kaneg nan kaad-adon nan lagan isnan benget di baybay ay maid makabilang.” Inmapa da Jacob issan kad-anda issan labi et idi nawakgat dat menpili isnan nateketeken ay talakena is nasolok ay liman gasot danat ibaa nan babaana et iyeyda isnan besatna ay si Esau.

Exodo 6:4

Inkalik ken daida gedan ay idyak ken daida nan bakenda kowa ay ili ay Canaan ay din ninteteanda.