Genesis 17:19 - Kalin Apo Dios

¹⁹ Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 17:19 Iomraidhean Croise

Genesis 17:16

Bindisyonak siya tay awnitak agtan siya is anakyo is lalaki. Awnit siya nan inan nan kaipoipogaw isnan kailiili et awnit wadada nan ap-ona ay menbalin is ali.”

Genesis 17:18

Danat kanan ken Apo Dios, “Olay si Ismael nan awnit mangtawid isnan kokwak.”

Genesis 17:21

Ngem tongpalek nan insapatak isnan anakmo ay si Isaac ay iyanak Sara isnan kaneg tona ay timpo is tew-en.” Issan deey met laeng ay agew et nasegyatan da Abraham, Ismael ya san lalalaki ay baada ay kaneg san inbagan Apo Dios.

Genesis 17:7

Adiyak kalkalingkingan ay eng-enggana nan sapatak ken sik-a ya isnan ap-om is kasin tay sak-en nan Diosmo ya Dios nan kaap-oap-om.

Genesis 21:6

Kinwanin Sara, “Inpagasing Apo Dios sak-en. Awnit am-in ay mangdenge isnan inommat et makiammengda ken sak-en gapo isnan gasingda

Genesis 9:16

Owen, no wada nan batikaang id daya et ilaek daket nemnemen nan insapatak isnan am-in ay matmatago isnan batawa.

Hebreo 11:11

Olay si Sara gedan ay asawan Abraham et no pay nain-ina siya ay adi makaanak ngem inmanak gapo isnan pammatina. Inmanak tay pinatina ay tongpalen Apo Dios nan inkalina ken siya.