Genesis 17:16 - Kalin Apo Dios

¹⁶ Bindisyonak siya tay awnitak agtan siya is anakyo is lalaki. Awnit siya nan inan nan kaipoipogaw isnan kailiili et awnit wadada nan ap-ona ay menbalin is ali.”

Genesis 17:16 Iomraidhean Croise

Genesis 1:28

Danat bindisyonan daida ay mangwani, “Maganak kayo tasiyay omad-ado nan ap-oyo ta maiwakatda isnan batawa ta menkowada. Dakayo ay ipogaw nan men-apo isnan ikan isnan baybay, isnan koykoyat ya isnan am-in ay matagtago isnan batawa.

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 15:4

Ngem dat kanan nan apo, “Baken san baam is awnit mangtawid isnan kokwam nodi nan anakmo.”

Genesis 17:15

Intoloy Apo Dios ay mangwani, “Si Sarai ay asawam et adim kankanan en Sarai tay nan menngadana id wani et Sara.

Genesis 17:19

Ngem dat kanan Apo Dios, “Baken tay si asawam ay Sara et awnit omanak is lalaki dakat ngadnan is Isaac. Tongtongpalek ay eng-enggana nan insapatak ken siya ya nan ap-ona.

Genesis 17:6

Nan adoado ay apom ay awnitak idya et awnit menbalin nan tap-ina ken daida is ali.

Genesis 21:1

Tinongpal nan apo din insapatana ay ikkana ay mangbindisyon ken Sara

Genesis 25:23

Dat kanan nan apo, “Nan an-akmo ay wada isnan egesmo et awnitda menbalin ay apon di dowa ay ili et awnit menbibinosoda. Nan esa et awnit napigpigsa no nan esa et nan iyon-a et awnit menbaan nan innodi.”

Roma 9:9

Tay esapay maiyanak si Isaac et inkalin Apo Dios ken Abraham en, “Is tew-en et ipailak nan kabaelak ken Sara ay asawam tay awnit omanak is lalaki.”

Galacia 4:23

Naliton din asawana ay baa et baken kaskasdaaw tay sigod ay malitlitonan nan babai. Ngem egay naliton nan sigod ay asawana no egay inkalin Apo Dios ay awnit omanak tay nain-iin-ina siya.

1 Pedro 3:6

Kaneg din si Sara id sang-adom et pinatpatina si Abraham ay asawana. Inbilangna siya ay apo. Isonga no adi kayo omegyat ay mang-ikkan isnan gawis ay olay mapaligatan kayo et ap-on din si Sara dakayo.