Genesis 15:7 - Kalin Apo Dios

⁷ Danat kanan ken Abram, “Sak-en nan apo ay nang-ibala ken sik-a id Ur id Babilonia ta idyak ken sik-a nan naay daga ay menkowam.”

Genesis 15:7 Iomraidhean Croise

Genesis 12:1

Kinwanin nan apo ken Abram, “Taynam nan iliyo ay naay, nan ag-iyo ya nan baey da amam ta omeyka isnan ili ay awnitko itdo ken sik-a.

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 50:24

Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.”

Salmo 105:11

Tay kinwanina en, “Awnitko idya nan daga ay Canaan ken dakayo ta siya nan tawidyo.”

Salmo 105:42

tay egayna kalingkingan din napateg ay inkalina ken Abraham ay baana.

Salmo 105:44

Inidyana ken daida nan dagan di tap-in di ipogaw ya inpalobosna ay kowaenda nan ninling-etan di ipogaw isdi

Exodo 32:13

Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Roma 4:13

Inkalin Apo Dios ken Abraham ya isnan aap-ona ay daida nan awnit mangtawid isnan batawa. Inkalin Apo Dios di gapo isnan gawis ay pangiilaana ken siya gapo isnan kamaid dowadowan Abraham isnan kankanana ay baken isnan nangtongtongpalana isnan adoado ay lintegna.