Genesis 15:6 - Kalin Apo Dios

⁶ Adi mendowadowa si Abram isnan kankanan nan apo isonga gawis nan pangiilaan nan apo ken siya.

Genesis 15:6 Iomraidhean Croise

Nehemias 9:8

Nailam ay matalek ken sik-a dakat makitolag ken siya. Inkalim ay idyam ken siya ya isnan aap-ona nan dagan di iCanaan, di iHeteo, di Amorreo, di Perezeo, Jebuseo ya Gergeso. Et tinongpalmo nan inkalim gapo tay matalekka.

Salmo 106:31

Et siya nan gapo ay isnan pang-iilaan nan apo et nalinteg siya ya adi kalkalingkingan nan aap-on di ipogaw is kasin enggana is komasin nan kinalintegna.

Roma 4:11

Inpasegyat Apo Dios siya tapno waday malkana ay mangpaneknek ay nan pammatin Abraham nan gapo ay gawis nan pangiilaan Apo Dios ken siya ay olay egay pay laeng ninpasegyat. Isonga siya nan kaneg aman am-in nan ipogaw ay mamati ken Apo Dios et nan pammatida nan gapo ay gawis nan pangiilaan Apo Dios ken daida ay olay adida menpasegyat.

Roma 4:9

Ay kedeng nan Judio ay mangsolsolot isnan esay lintegda ay mangwani en masapol ay menpasegyatda is mabalin ay manglikna isnan keg todi ay gasing? Baken. Tay mabalin ay malak-am abes nan baken Judio ay olay egayda ninpasegyat. Tet-ewa na tay kaneg nan inbagak ay naisolat isnan kalin Apo Dios ay mangwani en adi mendowadowa si Abraham ken Apo Dios et gapo isnan pammatina et gawis nan pangiilaan Apo Dios ken siya.

2 Corinto 5:19

Ibagbaga tako ay si Kristo nan kad-an nan somya ay mangpakawanan Apo Dios isnan basbasol di ipogaw tapno waday somya ay gayyemena daida. Siya dana nan intalek Apo Dios ken datako ay omey tako ibagbaga.

Hebreo 11:8

Nan pammatin Abraham abes nan gapo ay inidngena nan inbagan Apo Dios ken siya. Kinwanin Apo Dios en, “Taynam nan naay ay ilim ta omeyka isnan teken ay awnitak ited ken sik-a.” Dat tet-ewa patiyen Abraham ay olay egayna gintek nan ili ay omayana.

Santiago 2:23

Isonga natongpal din naisolat ay kalin Apo Dios id sang-adom ay kanana en, “Si Abraham et egay polos nindowadowa isnan inbagan Apo Dios. Tinongtongpalna. Isonga gawis nan pangiilaan Apo Dios ken siya.” Isonga siya nan makwaniyana en gayyem Apo Dios si Abraham.