Genesis 15:14 - Kalin Apo Dios

¹⁴ Ngem awnitko dosaen nan mangpaligat isnan ap-om et gapo isnan madosaanda et awnitda ipalobos nan ap-om ay komaan isdi ya awnit adoado nan kinabaknang ay ikaanda.

Genesis 15:14 Iomraidhean Croise

Genesis 50:24

Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.”

Salmo 105:42

tay egayna kalingkingan din napateg ay inkalina ken Abraham ay baana.

Salmo 135:14

tay awnit salakniban nan apo nan ipogawna ya seg-angana nan babaana.

Salmo 135:9

Inikkana nan kaskasdaaw ay mangdosa isnan ali ya nan itoltolayan nan ali id Egipto.

Salmo 51:4

Ken sik-a nan nakabasolak et kedeng. Owen, kedkedeng ken sik-a is ninbasolak tay inikkak nan kanam en basol isonga osto nan mang-ipabasolam ken sak-en ya nalinteg nan mangbanagam.

Exodo 12:29

Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Exodo 3:10

Et id wani ibaak sik-a ta omeyka isnan alin di Egipto ta ikaanmo nan ipogawko ay Israelita id Egipto.”

Aapostolis 7:7

Ngem kanan Apo Dios en, ‘Awnitko dosaen nan deeyda ay ipogaw ay mangpaligat isnan ap-om. Et gapo isnan madosaanda et awnitda ipalobos nan ap-om ay komaan isdi ay omali kasin ay mangdaydayaw ken sak-en id isna.’”

Deuteronomio 4:20

Ngem dakayo nan insalakana id Egipto isnan dadama ay ligatyo ta menbalinena dakayo ay ipogawna ay kaneg id wani.

Deuteronomio 6:22

Et dalonmi inila nan kaskasdaaw ya kaeegyat ay inikkana isnan alin di iyEgipto ya isnan am-in ay wada isdi.

Josue 24:17

tay nan apo ay Dios tako et siya nan nangikaan ken datako ya din napowan tako isdin nabab-aan tako id Egipto. Siya pay gedan nan nang-ik-ikkan isnan kaskasdaaw ay inil-ila tako ya sinalsalaknibana datako isnan am-in ay inmay-ayan tako ya isnan il-ili ay dinad-aan tako.