Genesis 15:13 - Kalin Apo Dios

¹³ Dat kanan nan apo, “Nan ap-om et awnitda omey isnan addaaddawi ay ili et mabab-aada ya mapalpaligatda is epat gasot ay tew-en.

Genesis 15:13 Iomraidhean Croise

Genesis 15:16

Sokod isnan maikap-at ay bonatmo esapay somagong nan aap-om id isna tay adi pay laeng mapakaan nan Amorreo isna engganay maanay on-ona nan basbasolda ay madosaanda.”

Genesis 17:8

Idyak ken sik-a ya nan ap-om nan naay ili ay menteteanyo. Am-in nan ili ay Canaan et kowan nan ap-om ay eng-enggana et sak-en nan Diosda.”

Salmo 105:42

tay egayna kalingkingan din napateg ay inkalina ken Abraham ay baana.

Exodo 1:11

Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.

Exodo 1:13

Dat am-ameden nan iyEgipto ay mangpaligat isnan Israelita ay mangipatalabako ken daida isnan obla ay mendagsen. Inpapilitda ay mangipaobla ken daida ay mangsaad isnan ipasaadda ya isnan paypayewda et adida polos seg-angan daida.

Exodo 2:24

Et dinngen Apo Dios nan dawatda. Danat nemnemen nan nakitolagana isdin alal-apoda ay da Abraham, Isaac yas ken Jacob.

Exodo 22:21

Dat itoloy Apo Dios ay mangibagbaga isnan tap-in di bilina et kanana en, “Adiyo soksokilan wenno paligligaten nan sangaili. Nenemnemenyo ay dakayo et sangaili kayo gedan id Egipto.

Exodo 3:10

Et id wani ibaak sik-a ta omeyka isnan alin di Egipto ta ikaanmo nan ipogawko ay Israelita id Egipto.”

Exodo 3:17

Et ninemnemko ay ikaan daida id Egipto ay mapalpaligatanda ta iyeyko daida isnan ilin nan Cananeo, Heteo, Amorreo, Perezeo, Heneo ya Jebuseo ay gawigawis ya magabay ay ili.

Exodo 3:8

Isonga inmaliyak tapno isalakak daida isnan iyEgipto ya ta ikaanko daida isnan kabaelan di iyEgipto ta iyeyko daida isnan gawigawis ya magabay ay ili. Isdi nan menteteean nan naayda ay Cananeo, Heteo, Amorreo, Perezeo, Heneo ya Jebuseo id wani.

Aapostolis 7:17

Dat itoloy Esteban ay mangwani en, “Nganngani ay omdan nan nakitolagan Apo Dios ken Abraham et inmad-ado nan ap-on Jacob ay din alal-apo tako.

Galacia 3:17

Nan gapo ay kanak en kaneg todi nan inommat tay sokod nakwas nan epat gasot ya tolompoo ay tew-en esapay ited Apo Dios nan lintegna. Isonga san nintolaganda ken Abraham et adi mabalin ay sokatan nan lintegna tay epdasda inowenan san nintolaganda.

Deuteronomio 10:19

Isonga masapol ay laydenyo gedan daida tay olay dakayo et sangaili kayo id kasin id Egipto.

Deuteronomio 5:15

Adiyo kalkalingkingan ay baa kayo id Egipto et sak-en ay apo ay Diosyo nan nang-isalakan ken dakayo isnan panakabalinko. Isonga sak-en ay apo ay Diosyo et ibilinko ken dakayo ay adi kayo men-obla isnan agew di illeng.