Genesis 15:1 - Kalin Apo Dios

¹ Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

Genesis 15:1 Iomraidhean Croise

Genesis 15:2

Ngem dat kanan Abram, “apo ay kangatowan, damen aped iyali dasa dapay maid anakko is awnit mangtawid? Kedkedeng si Eliezer ay iDamasco ay baak ay tinalakenko is awnit mangtawid isnan kokwak tay maid inyalim is anakko.”

Genesis 15:4

Ngem dat kanan nan apo, “Baken san baam is awnit mangtawid isnan kokwam nodi nan anakmo.”

Genesis 22:1

Idi menbagot et si Isaac dat padasen Apo Dios si Abraham ta ilaena no tet-ewa ay patiyena siya. Kinwanina, “Abraham!” “Ayta Apo, naayak ya,” kinwanina.

Salmo 115:10

Dakayo ay aap-on din si Aaron, talkenyo nan apo ay mangbadbadang ya mangsalsalaknib ken dakayo.

Salmo 119:114

Sik-a nan salaknibko ya salidak. Nan inkalim nan kad-an di namnamak.

Salmo 142:5

apo, mendawatak ken sik-a is badang tay sik-a nan kamangko. Sik-a et kedeng nan magapgapowan nan am-in ay masapolko engganay matatagowak.

Salmo 18:2

Nan apo nan kaneg bato ay menkamkamangak ya siya gedan nan salaknibko. Owen, nan Diosko nan bato ay menkamkamangak tay isnan kawadana et maid om-ommat ken sak-en ya siya nan mangsasalida ken sak-en.

Salmo 27:1

Nan apo nan mangtangtanggew isnan nemnemko ya nan mang-isalsalakan isonga sino pay di apedko iyegyat? Nan apo nan menkamkamangak isonga adiyak polos omeg-egyat.

Salmo 3:3

Ngem sik-a, apo, nan kalasagko isnan kaeegyat tay pangabakem sak-en ya papigsaem nan nemnemko.

Salmo 3:4

Men-adawagak ta mangbadangka, apo, dakat songbatan sak-en isnan napateg ay biligmo.

Salmo 5:12

Sik-a, apo, nan mangbindisyon isnan mangtongtongpal ken sik-a ya nan layadmo et kaneg kalasag ay mangsalsalida ken daida.

Salmo 58:11

Dat kanan nan ipogaw en, “Tet-ewa ay magon-gonaan nan nalinteg. Tet-ewa ay wada si Apo Dios ay mangbanag isnan batawa.”

Salmo 84:11

Tay nan apo ay Dios nan mangtangtanggew isnan nemnemko ya siya nan mangsalsalaknib ken sak-en. Idyana gedan nan badang ya nan kaidayawan ya adina iyimot nan gawis ken daida ay nalinteg nan ik-ikkanda.

Salmo 84:9

Apo Dios ay mangsalsalaknib ken dakami, badangam koma nan pinilim.

Salmo 91:4

Salaknibana sik-a ay kaneg nan ikkan di manok ay mangsakoko isnan piyekna. Badbadangana danapay ay-ayowanan sik-a isnan kamatalekna.

Exodo 14:13

Dat kanan Moses ken daida en, “Adi kayo omegyat, papipigsaenyo nan nemnemyo et id wani ay agew awnit mailayo nan ikkan nan apo ay mangisalakan ken dakayo. Awnit adiyo et mail-ila kasin nan naayda ay iyEgipto.

Isaias 35:4

Ibagayo isnan nakaan nan ganasda ta tomoledda ay adida omegyat tay omali si Apo Dios ay mang-isalakan ken daida tay dosaena nan nang-ikkan is ngawi ken daida.

Isaias 40:10

Ilaenyo, naay omali et nan apo ay kangatowan ay mentolay isnan panakabalina ya ikakawitna nan kaipoipogaw ay insalakana.

Isaias 43:1

Sik-a ay ili ay Israel, kanan nan apo ay nangboliw ken sik-a en, “Adika omegyat tay isalakak sik-a. Dakayo ay iyIsrael, inayagak dakayo et menbalin kayo ay ipogawko.

Isaias 43:5

Adi kayo omegyat tay wadaak ken dakayo. Awnitak pasaaen nan Israelita ay wada isnan kaaddawiyan ay balaan di agew ya isnan lomnekan di agew.

Isaias 44:2

Sak-en nan apo ay nangboliw ken dakayo et menlogi isdin nailitonanyo et binadbadangak dakayo. Adi kayo omegyat tay dakayo nan baak ya pinilik ay ipogawko ay laylaydek.

Isaias 44:8

Adi kayo omegyat ay ipogawko tay gegetkenyo ay menlogi id kasin enggana id wani et inpadtok nan am-in ay awnit ommat et dakayo nan mang-itakdeg ken sak-en. Ay waday teken is dios? Ay waday teken is manakabalin ay dios mo sak-en is egayko dindinnge? Maid.”

Mateo 28:5

Dat kanan san anghel isnan iinin-a id isdi en, “Adi kayo omegyat. Getkek ay an-anapenyo si Jesus ay nailansa isnan kros

Mateo 8:26

Dat kanan Jesus, “Dakayon omegyat? Atiatik obpay nan talekyo.” Dat tomakdeg et ipakin-ena nan dagem ya nan danom et omnengda.

Lucas 1:13

Ngem dat kanan san anghel ken siya, “Adika omegyat Zacarias. Inmaliyak ay mangibaga ken sik-a en dinngen Apo Dios nan lowalom et awnit omanak si Elisabet ay asawam is lalaki dakat ngadanan is Juan.

Lucas 1:30

Ngem dat kanan san anghel, “Adika omegyat Maria tay tet-ewa ay pinabolan Apo Dios sik-a.

Lucas 12:32

“Dakayo ay papasolotko ay ay-ayowanak, adi kayo omegyat olay at-atik kayo tay si Amayo id daya et men-gasing ay mangitapi ken dakayo isnan mentoltolayana.

Aapostolis 10:22

Dadat kanan en, “Si Kapitan Cornelio nan nangbaa ken dakami. Si Cornelio ay apomi et gawigawis ay ipogaw et si Apo Dios nan daydayawena. Olay nan ib-ayo ay Judio et gawigawis nan kankananda ay maipanggep ken siya. Et wada nan ninpaila ken siya ay esay anghel Apo Dios et inbagana ta ipaayagna sik-a ta dengngena no ngan di ibagam ken siya.” Siya di nan kinwanida.

1 Corinto 3:22

Isonga olay sak-en yas Apolos yas Pedro et baayo dakami am-in. Am-iam-in ay wada isnan batawa, nan biyag, tetey, nan om-ommat id wani ya nan awnit ommat et kowayo am-in dadi. Owen kowayo tay kowan Kristo dakayo dapay kowan Apo Dios si Kristo.

Hebreo 1:1

Id kasin namin ado ay wada nan inpagtek Apo Dios isnan alal-apo tako. Natkenatken nan inikkana ay nangipagpagtek isnan kayatna ay ipagtek ngem isnan adoado ay mamadtona nan nangipagpagtekana ta ibagada isnan kaipoipogaw.

Naipagtek 1:17

Isnan nang-ilaak ken siya et natokangak isnan sasagangena ay kanegak natey gapo isnan egyatko. Ngem danat ig-en nan makanawan ay ledengna ken sak-en ay mangwani en, “Adika omegyat tay sak-en na. Sak-en nan nangwada isnan am-in ay wada et sak-en gedan nan mangkombos isnan am-in.