Genesis 13:8 - Kalin Apo Dios

⁸ Dat kanan Abram ken Lot, “Kaanakak sik-a et nan babaam ya nan babaak et adida koma mensapsape isonga masapol ay mensiyanta.

Genesis 13:8 Iomraidhean Croise

Genesis 13:9

Dakkel nan naay ay ili. Kadya, menpilika is laydem is omayanyo. No laydem ay omey isnan teken et menteteak isna ngem no isna nan laydem et omeyak abes isnan teken.”

Genesis 45:24

Danat palobwaten nan bebsatna et ostoy malobwatda dapay kanan Jose ken daida en, “Adi kayo mensapsape isnan daan.”

Salmo 133:1

Gawigawis ya kagagasing no maoolnos nan ipogaw nan apo.

Exodo 2:13

Kawakgatana pay dat kasin omey issan kad-an san Hebreo ay kakailyana danat ilaen nan dowa ay Hebreo ay mensapsape danat kanan issan nakabasol en, “Ayta dakan sogsogtowen nan ib-am?”

Mateo 5:9

Nagasat nan mang-ol-olnos isnan iib-ada tay awnitda maibilang ay an-ak Apo Dios.

Aapostolis 7:26

Idi kasin napseng dat mensape nan doway ipogaw ay ap-on Jacob dat sekaken Moses daida ay mangipagawis koma isnan nemnemda ay mangwani en, ‘Bebsat, dakayon mensapsape dapay sin-ag-i kayo?’

Filipos 2:14

Isnan am-in ay ik-ikkanyo et masapol ay adi kayo menlilili ya adi kayo gedan makisongsongbat

1 Tesalonica 4:9

Ngem isnan manglaylaydanyo isnan ib-ayo ay mamati et adi masapol ay waday ibagak tay si Apo Dios nan mangisolsolo ken dakayo isnan layadyo.

Hebreo 12:14

Ipakatyo ay adi makisapsape tapno gawis nan nemnemyo isnan am-in ay ipogaw. Padasenyo abes ay mang-ikkan isnan gawigawis ay mangipaila ay maitatapi kayo ken Kristo. Tay no adi tako ikkan et adi tako makaila ken Apo Dios isnan kaodiyan ay agew.

Hebreo 13:1

Siya dana pay nan ibilinko ken dakayo ay mamati. Itoltoloyyo ay men-asilayad ay kaneg sinbebsat.

1 Pedro 1:22

Gapo tay pinatiyo nan tet-ewa et nadalosan et nan nemnemyo. Isonga mabalin ay laydenyo ay ostoosto nan iib-ayo ay mamati. Isonga kanak en ikkanyo ngalod.

1 Pedro 2:17

Lispitowenyo am-in nan ipogaw. Laydenyo nan iib-ayo ay mamati. Iyeegyatyo si Apo Dios. Lispitowenyo nan ali. Keg da tona nan masapol ay ik-ikkanyo.

1 Pedro 3:8

Naay da pay di ibagak ay ikkanyo am-in. Pos-aenyo nan nemnemyo ya men-asiseg-ang kayo. Laylaydenyo nan iib-ayo ay mamati ay kaneg kayo sin-agi ya masapol ay naanos kayo ay ipogaw dakayopay adi menpapangato.

1 Pedro 4:8

Ya nan kapatgan ay ikkanyo koma et kanayon ay men-asilayad kayo tay no gawis nan layadyo et baken nan basbasol nan iib-ayo is nemnemnemenyo.

2 Pedro 1:7

No ik-ikkan tako am-in dadi et wada pay nan masapol ay maitapi. Et siya nan gawis ay nemnem isnan iib-a tako ay mamati ta menbinadang tako. Dat mabalin ay ikkan tako nan esa et siya nan manglaydan tako isnan am-in ay ipogaw.

1 Juan 4:7

Dakayo ay laylaydek, menlinayad tako tay si Apo Dios nan nagapowan nan layad. Tay nan ipogaw ay manglaylayad isnan ib-ana et siya nan anak Apo Dios ya getkena tet-ewa si Apo Dios.