Genesis 13:7 - Kalin Apo Dios

⁷ Isonga kasasanape nan mangbanbantay isnan talaken da Abram ken Lot.

Genesis 13:7 Iomraidhean Croise

Genesis 12:6

Idi inomdanda dat omey si Abram isnan kad-an di kaiw id More ay esay ili isnan sag-en di Sikem. Isdin deey ay timpo et wada et nan ipogaw ay mentetee isdi ay nan iCanaan.

Exodo 2:17

ngem dat domateng nan menpaspastol isnan talaken di teken ay ipogaw et pakaanenda san bababai isonga daet omey si Moses et badangana san bababai danapay painomen nan talakenda.

Marcos 3:25

Kaneg abes nan sinbaey ay no maid olnosda et mabokada.

1 Corinto 3:3

Tay adoado pay nan maiyisowan nan nemnemyo isnan adi mamati. Kanak di tay ik-ikkanyo id wani nan kaneg nan ik-ikkanda tay makisongsongbat kayo ya manag-apal kayo.

Colosas 4:5

Masapol ay makailanyo ta gawis nan ipap-ailayo isnan adi mamati ya no waday wayayo et masapol abes ay it-itdowanyo daida ta mamatida koma ken Apo Dios.

1 Tesalonica 4:12

Men-obla kayo ay gawis tapno adi masapol ay kanayon ay menpabadbadang kayo isnan iib-ayo ya tapno lispitowen nan adi mamati dakayo.

Tito 3:3

Tay masapol ay baken kaneg nan inik-ikkan tako id kasin nan ikkan tako id wani. Id kasin maid gintek tako is maipanggep ken Apo Dios ya nan lintegna. Isonga egay tako pinati nan bilina. Sinolsolot tako nan baken tet-ewa ay solsolo ya pinatpati tako nan kompolmi ay kagagasing tako ay ngomawiyan nan awak tako tay maid kabaelan tako ay nang-adi is dadi. Tay id kasin men-inamis, men-inapal ya menliniget tako ay ipogaw.

Santiago 3:16

Tay no waday manag-apal ya manag-imot et wada abes nan am-in ay kalasin di ngawi ay maikkan dapay maid polos olnos.

Santiago 4:1

Ngem sino ngen nan kagapgapowan nan mensapsapeanyo? Nan nagapowana et tay wasdin mangkayat ay mang-ikkan isnan gomasingana olay getkena ay ngawi.

1 Pedro 2:12

Kanayon ay ikkanyo nan gawis ta ilaen nan adi mamati. Tay no waday delawenda ken dakayo et masokatan nan nemnemda no ilaenda nan gawis ay ik-ikkanyo. Et awnitda dayawen si Apo Dios isnan timpo ay gomawis nan nemnemda ay mangpati ken siya.