Genesis 13:15 - Kalin Apo Dios

¹⁵ tay idyak ken sik-a ya nan ap-om nan am-in ay iilaem et kowayo ay eng-enggana.

Genesis 13:15 Iomraidhean Croise

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 13:17

Id wani omeyka ta tamaangem nan dakedake ay ili isna tay idyak am-in ken sik-a.”

Genesis 15:18

Et siya na nan nakitolagan nan apo ken Abram ay nangwaniyana en, “Isapatak ay idyak isnan ap-om nan am-in ay daga ay menlogi isnan beddeng di Egipto enggana isnan ginawang ay Eufrates.” Kinwanin Apo Dios en agtana si Abram is adoado is ap-ona ngem si Sarai ay asawana et adi kayet omanak isonga dat ibagan Sarai ken Abram en iseyepna si Agar ay baan Sarai tasiyay omanakda. Dat omanak tet-ewa si Agar is lalaki dat ngadnan Abram is Ismael.

Genesis 15:7

Danat kanan ken Abram, “Sak-en nan apo ay nang-ibala ken sik-a id Ur id Babilonia ta idyak ken sik-a nan naay daga ay menkowam.”

Genesis 18:18

tay siya nan pinilik ay apon di ipogawko ya inbagak en awnit omadoado nan ap-ona. Gapo ken siya et awnitak badangan nan adoado ay ipogaw isnan kailiili.

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Genesis 28:14

Awnit omadoado nan ap-om ay kaneg nan kaad-adon nan tapok isnan batawa. Awnit iliyanda na ya nan naliliwes ya awnit pagawisen nan apo nan am-in ay il-ili gapo ken sik-a ya nan aap-om.

Genesis 50:24

Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.”

Salmo 37:22

Nan binindisyonan nan apo et daida nan mangtawid isnan daga ngem nan binaosna et awnitda mapakaan.

Salmo 37:29

Nan nalinteg ay ipogaw et awnitda tawiden nan daga et awnitda menlamlamnin isdi ay eng-enggana.

Exodo 32:13

Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Mateo 5:5

Nagasat nan mangipabababa isnan nemnemda tay awnit ited Apo Dios nan am-in ay inkalina ken daida.

Aapostolis 7:5

Issan inmaliyan Abraham isnan kad-an tako id wani et maid polos inidyan Apo Dios is dagana is olay teeteen. Ngem nakitolag si Apo Dios ay mangwani en awnitna idya ken siya ta ipatawidna isnan anakna ya nan ap-ona. Isnan nangwaniyana isdi et maid pay laeng anak da Abraham.

Deuteronomio 34:4

Dat kanan nan apo ken Moses en, “Siya na nan daga ay inkalik ken da Abraham, Isaac yas Jacob en itedko isnan aan-ak ya aap-oda. Ipailak dana ken sik-a ngem adiyak ipalobos ay omeyka isdi.”