Genesis 12:7 - Kalin Apo Dios

⁷ Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 12:7 Iomraidhean Croise

Genesis 12:8

Nakwas pay di dat men-aton da Abram et menteeda isnan bilig ay ninbetaeyan nan ili ay Betel ya Ai. Dat kasin mensapo si Abram isdi is mangpop-oowana isnan igasgasingna isnan apo.

Genesis 13:15

tay idyak ken sik-a ya nan ap-om nan am-in ay iilaem et kowayo ay eng-enggana.

Genesis 13:17

Id wani omeyka ta tamaangem nan dakedake ay ili isna tay idyak am-in ken sik-a.”

Genesis 13:18

Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.

Genesis 13:4

ay nangsapowana isnan mangpop-oowana is igasgasingna isnan apo et daydayawen Abram nan apo isdi.

Genesis 15:18

Et siya na nan nakitolagan nan apo ken Abram ay nangwaniyana en, “Isapatak ay idyak isnan ap-om nan am-in ay daga ay menlogi isnan beddeng di Egipto enggana isnan ginawang ay Eufrates.” Kinwanin Apo Dios en agtana si Abram is adoado is ap-ona ngem si Sarai ay asawana et adi kayet omanak isonga dat ibagan Sarai ken Abram en iseyepna si Agar ay baan Sarai tasiyay omanakda. Dat omanak tet-ewa si Agar is lalaki dat ngadnan Abram is Ismael.

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Genesis 17:3

Dat menlokbob si Abram ay mangdayaw isnan apo gapo isnan kaskasdaaw ay kinwanina. Dat kasin kanan Apo Dios,

Genesis 17:8

Idyak ken sik-a ya nan ap-om nan naay ili ay menteteanyo. Am-in nan ili ay Canaan et kowan nan ap-om ay eng-enggana et sak-en nan Diosda.”

Genesis 18:1

Isnan esay agew et ninpaila nan apo ken Abraham issan kad-an di kak-aiw id Mamre. Siya na nan inkana ay ninpaila. Idi itotokdon Abraham isnan pantewda isnan kag-aw

Genesis 22:9

Idi inomdanda issan bilig ay inbagan Apo Dios en omayanda dat mensapo si Abraham is mangpoowana isnan paltiyena. Danat ogden si Isaac et iyosona isnan kaiw.

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Genesis 32:30

Dat kanan Jacob, “Inilak nan angas Apo Dios dakpay daan kayet ay natatago.” Danat ngadnan san deey ay logal is Peniel.

Genesis 50:24

Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.”

Genesis 8:20

Idi binmalada dat men-ala si Noe is bato et itopingna is mangpop-oowana isnan igasingda ken Apo Dios dat omala is tonggal esa isnan am-in ay animal ya koyat ay mabalin ay maisda ya maigasing ken Apo Dios danat paltiyen et poowana enggana ay dinmapo.

Exodo 17:15

Dat somapo si Moses is altar ay men-idatonana ta men-iyamanana ken Apo Dios. Nginadnana di is “Nan apo Nan Mangbadbadang Isnan Mangab-abakak.”

Exodo 24:4

Dat isolat Moses nan am-in ay bilin nan apo. Kawakgatana pay isnan wakgat dat somapo si Moses is altar ay maipaypay-an nan maited ken Apo Dios isnan gogowaben nan bilig danat batbaten nan simpoo ya dowa ay bato isnan bengetna ay mangipagtek ay simpoo ya dowa nan kap-owan din si Israel.

Exodo 32:13

Nemnemem da Abraham, Isaac ya si Jacob ay baam. Nemnemem din insapatam ken daida ay paadowem nan an-akda ya aap-oda is kaneg nan kaad-adon nan talaw isnan daya dakat idya ken daida nan daga ay inkalim ay kowada ay eng-enggana.”

Exodo 6:3

Sak-en nan Dios ay manakabalin ay ninpaila id kasin ken da Abraham, Isaac yas ken Jacob ngem egayko inbaga ken daida nan ngadanko.

Exodo 6:4

Inkalik ken daida gedan ay idyak ken daida nan bakenda kowa ay ili ay Canaan ay din ninteteanda.

Aapostolis 7:5

Issan inmaliyan Abraham isnan kad-an tako id wani et maid polos inidyan Apo Dios is dagana is olay teeteen. Ngem nakitolag si Apo Dios ay mangwani en awnitna idya ken siya ta ipatawidna isnan anakna ya nan ap-ona. Isnan nangwaniyana isdi et maid pay laeng anak da Abraham.

Roma 9:8

Isonga getken tako ay baken nan nagapo isnan anak Abraham ay egay inkalin Apo Dios is ibilangna ay an-akna. Nodi kedkedeng nan nagapo isnan anak Abraham ay inkalin Apo Dios.

Galacia 3:16

Kaneg todi nan inommat isdin nang-itedan Apo Dios isnan inkalina ken Abraham ya isnan awnitna apo ay si Kristo issan nintolaganda. Ngem baken isnan am-in ay ap-ona is nang-itedana nodi kedeng isnan esa.

Galacia 4:28

Bebsatko, datako ay mamati nan palpalison din si Isaac ay anak nan baken baa. Tay naiyanak siya gapo isnan nangpatiyan nan napowana isdin inkalin Apo Dios. Et datako abes, an-ak Apo Dios datako gapo tay pinati tako nan inkalina.

Deuteronomio 30:20

Laylaydenyo nan apo ay Diosyo. Tongpalenyo ya adiyo dokdokogan siya tapno matagotago kayo ya mabayag nan menteanyo, dakayo ya nan aan-ak ya nan aap-oyo isnan daga ay insapatana en idyana isdin alal-apoyo ay da Abraham, Isaac ya si Jacob.”

Deuteronomio 34:4

Dat kanan nan apo ken Moses en, “Siya na nan daga ay inkalik ken da Abraham, Isaac yas Jacob en itedko isnan aan-ak ya aap-oda. Ipailak dana ken sik-a ngem adiyak ipalobos ay omeyka isdi.”

Deuteronomio 6:10

Dat itoloy Moses ay mangwani en, “Inkalin nan apo ay Diosyo isdin alal-apoyo ay da Abraham, Isaac ya ken Jacob en ipaeyna dakayo isnan daga ay wada et nan dadadadakke ya nanam-ay ay il-ilina ay sinaad di teken ay ipogaw

Hebreo 11:13

Da todi ay ipogaw et nateyda sapay matongpal nan sines-eedda. Ngem olay egay natongpal isnan natatagowanda et egayda dokdokogan nan pammatida. Isonga gapo isnan gawis ay pammatida et kanegda iiilaen tet-ewa nan awnit maited ken daida dadapay men-gasing ay mangdawat ay olay no mabayag nan matongpalana. Gintekda ay baken nan batawa is ostoosto ay ilida nodi kanegda aped sangaili isna.

Hebreo 11:8

Nan pammatin Abraham abes nan gapo ay inidngena nan inbagan Apo Dios ken siya. Kinwanin Apo Dios en, “Taynam nan naay ay ilim ta omeyka isnan teken ay awnitak ited ken sik-a.” Dat tet-ewa patiyen Abraham ay olay egayna gintek nan ili ay omayana.

Ookom 6:24

Dat somapo si Gideon is altar isdi pala isnan apo danat ngadnan is “Nan apo nan mang-it-ited is talna.” Et enggana id wani et daan kayet nan naay altar id Ofra isnan sakop nan dagan din si Abiezer.