Genesis 12:2 - Kalin Apo Dios

^2-3 Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 12:2 Iomraidhean Croise

Genesis 13:16

Awnitak agtan sik-a is adoadoado ay apo et maiwed makabilang ken daida am-in nodi nalaklaka ay mabilang nan lagan isnan batawa no daida.

Genesis 15:5

Danat ibaga en bomala si Abram danat kanan, “Tangadem pod id daya dakat padasen ay mangbilang isnan talaw tay awnit kaneg todi nan kaad-adon nan ap-om.”

Genesis 17:20

Dinngek san inbagam ay maikkan koma ken Ismael isonga bindisyonak siya tay awnitak agtan siya is simpoo ya dowa is anakna ay lalalaki et daida nan men-ap-apon di ipogaw et awnitak agtan daida gedan is adoado ay anak ya apo et awnitda menbalin is napigsa ay sinpangili.

Genesis 18:18

tay siya nan pinilik ay apon di ipogawko ya inbagak en awnit omadoado nan ap-ona. Gapo ken siya et awnitak badangan nan adoado ay ipogaw isnan kailiili.

Genesis 18:19

Pinilik siya tasiyay ibilina koma isnan an-akna ya ap-ona ay tongpalenda sak-en ya ikkanda nan gawis ya osto. No siya di nan ikkanda et tongpalek am-in ay insapatak ken siya.”

Genesis 19:29

Ngem issan nang-engewan nan apo issan ili ay deeyda et ninenemnemna si Abraham isonga insalakana nan kaanakan Abraham ay si Lot.

Genesis 28:14

Awnit omadoado nan ap-om ay kaneg nan kaad-adon nan tapok isnan batawa. Awnit iliyanda na ya nan naliliwes ya awnit pagawisen nan apo nan am-in ay il-ili gapo ken sik-a ya nan aap-om.

2 Samuel 7:9

ya tinatakdok sik-a isnan am-in ay inmay-ayam dakpay pinangabak sik-a isnan mang-ap-apos ken sik-a. Pabalinek sik-a ay kapatgan ay kaneg nan kapatgan ay aap-apo isnan batawa.

Salmo 107:38

Et isnan bindisyona et omadoadoda ya maid makolkolang isnan bakbakada.

Exodo 1:7

Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.

Exodo 32:10

Isonga adim iyad-adi sak-en tay dadama nan ligetko ken daida et dosaek daida. Daket paad-adowen nan an-akmo ya nan aap-om engganay menbalin kayo ay napigsa ay sinpangili.”

Isaias 51:2

Nemnemenyo da Abraham ken asawana ay si Sara ay alapoyo ay nagapowanyo tay isdin nang-ayagak ken Abraham et kedkedeng siya ay maid polos anakna ngem daket bindisyonan isnan nangpaadowak isnan nagapo ken siya.

Nomero 14:12

Omipaiyaliyak is kaeegyat ay sakit ta mateyda am-in ngem awnitak paad-adowen nan aan-akmo ta ad-ad-ado ya napigpigsa kayo mo daida id wani.”

Roma 4:11

Inpasegyat Apo Dios siya tapno waday malkana ay mangpaneknek ay nan pammatin Abraham nan gapo ay gawis nan pangiilaan Apo Dios ken siya ay olay egay pay laeng ninpasegyat. Isonga siya nan kaneg aman am-in nan ipogaw ay mamati ken Apo Dios et nan pammatida nan gapo ay gawis nan pangiilaan Apo Dios ken daida ay olay adida menpasegyat.

Galacia 3:14

Inalan Kristo nan dosa tako tapno maitapi nan Gentil ay mangganab isnan badang ay inkalin Apo Dios isdin si Abraham ya tapno ganaben tako nan inkalina ay Ispiritona gapo isnan pammati tako.

Galacia 3:7

Isonga getken tako ay maibilang en ap-on Abraham nan ipogaw no gawis nan pammatida ay kaneg nan pammatina.

Deuteronomio 26:5

Dakayot kanan isnan apo ay Diosyo en, ‘Ninbabbab-aat din alapok ay esay Arameo tay maid osto is ilina isonga dat omey id Egipto ay nanakkey nan pamilyana. Atiatikda isdin inmayanda isdi ngem dadat omadoado et enggana ay ninbalinda ay esay napigsa ay sinpangili.