Genesis 11:3 - Kalin Apo Dios

^3-4 Dadat men-asikwani ay men-et-etek, “Ala, mensapo tako is gawigawis ay ili isna. Mensaad tako pay is andoando is baey ay omdan id daya tasiyay masdaaw am-in nan ipogaw no ilaenda nan inikkan tako ya ta adi tako kaiwakat isnan batawa.” Isonga dadat men-ala is kolayeng et poowanda tasiyay komenteg ay kaneg bato dadapay men-ala is niket ay mang-ipket isnan kolayeng isnan mangtopinganda.

Genesis 11:3 Iomraidhean Croise

Genesis 11:7

isonga masapol ay tekneteknek nan kalida tasiyay adida menkinaawatan.”

Salmo 64:5

Menbinadangda isnan ngawi ay panggepda dadapay mentotolag mo into nan mangipay-anda isnan siloda ay mangdepap koma is ipogaw tay kananda en maid mang-iila ken daida.

Exodo 2:3

Ngem masiksiksiken san onga et maligatan san inana ay mangigagago isonga dat omala is linaga ay tampipi et ponitana am-in nan somgepan di danom. Danat ippey san onga isnan leemna danat iyey et taynana isnan kad-an di anando ay tannobong isnan benget di ginawang.

Isaias 5:5

Siya na gayam nan ikkak isnan om-ak. Kaanek nan mola ay mang-aalad dakpay tokangen nan aladna daket baybay-an ay omey nan atap ay animal ay manggatin ya mangkakan.

Hebreo 10:24

Nemnemnemen tako koma nan men-gawisan nan iib-a tako. Menbinadang tako ta nan gawis ya nan layad nan ipap-aila tako isnan iib-a tako.

Hebreo 3:13

Nodi masapol ay menbinbinadang kayo isnan pammatiyo id wani sapay makwas nan timpo ay wayayo ay mamati. Ikkanyo dana koma tapno adi komenteg nan oloyo ay adi mangtongpal ken Apo Dios gapo isnan maal-allilawanyo isnan bomasbasolanyo.

Santiago 4:13

Dengngenyo od nan kanak, dakayo ay mangmangwani en, “Siya na nan ikkanmi id wani wenno is wakgat. Omey kami isnan teken ay ili ta mentinda kami is esay tew-en tasiyay omad-ado nan sipingmi.”

Santiago 5:1

Dakayo abes ay babaknang, dengngenyo nan kanak. Menseseg-ang ya men-aga kayo koma gapo isnan awnityo pilmi ay mapaligatan.