Genesis 1:28 - Kalin Apo Dios

²⁸ Danat bindisyonan daida ay mangwani, “Maganak kayo tasiyay omad-ado nan ap-oyo ta maiwakatda isnan batawa ta menkowada. Dakayo ay ipogaw nan men-apo isnan ikan isnan baybay, isnan koykoyat ya isnan am-in ay matagtago isnan batawa.

Genesis 1:28 Iomraidhean Croise

Genesis 1:22

Danat bindisyonan am-in daida ay mangwani isnan mentetee isnan danom en omad-adoda ta mapno nan baybay ya omad-ado gedan nan koyat.

Genesis 17:16

Bindisyonak siya tay awnitak agtan siya is anakyo is lalaki. Awnit siya nan inan nan kaipoipogaw isnan kailiili et awnit wadada nan ap-ona ay menbalin is ali.”

Genesis 17:20

Dinngek san inbagam ay maikkan koma ken Ismael isonga bindisyonak siya tay awnitak agtan siya is simpoo ya dowa is anakna ay lalalaki et daida nan men-ap-apon di ipogaw et awnitak agtan daida gedan is adoado ay anak ya apo et awnitda menbalin is napigsa ay sinpangili.

Genesis 8:17

Pabalaenyo gedan daida am-in ay wada isnan bapol tasiyay omad-adoda et maiwakatda isnan batawa.”

Genesis 9:1

Binindisyonan Apo Dios si Noe ya nan an-akna ay mangwani en, “Maganak kayo tasiyay nan ap-oyo et maiwakatda ay mentee isnan batawa.

Genesis 9:7

Ngem dakayo et omanak kayo is ad-ado tasiyay wada kasin di mentee isnan batawa.”

Salmo 107:38

Et isnan bindisyona et omadoadoda ya maid makolkolang isnan bakbakada.

Salmo 115:16

Id daya nan kad-an nan apo danapay idya nan batawa isnan ipogaw.

Salmo 69:34

Dayawenyo si Apo Dios, dakayo am-in isnan daya ya nan batawa, ya nan am-in ay mentetee isnan baybay.

Salmo 8:6

Pinaapom daida isnan am-in ay binoliwmo ta itolayanda nan am-in ay binoliwmo

Salmo 8:7

ay nan am-in ay talaken ay kaneg nan kalnilo ya baka ya olay nan atap ay animal,

Isaias 45:18

Nan apo ay nangboliw isnan daya et siya et kedeng nan tet-ewa ay Dios. Siya gedan nan nangboliw isnan batawa danapay esten ay makneg ya adi kadadadael. Egayna aped sinapo ay maid silbina nodi ta mentean di kaipoipogaw. Et siya nan nangwani en, “Sak-en nan apo et maid teken is Dios.

1 Timoteo 4:3

Adoado nan it-itdoda ay baken osto. Kankananda en baken osto no omasawa nan ipogaw ya iyadida ay mangan isnan tapin di makan dapay binoliw Apo Dios dana. Isonga nan mangtek ya mangpati isnan tet-ewa et mabalin ay kanenda. Laylayden Apo Dios no dawaten tako nan intedna datakopay men-iyaman ken siya.