Genesis 1:27 - Kalin Apo Dios

²⁷ Danat boliwen nan ipogaw is kanegna et lalaki ya babai nan binoliwna.

Genesis 1:27 Iomraidhean Croise

Genesis 2:18

Kinwanin pay nan apo ay Dios en, “Ngawi no maeesa nan lalaki isonga mensapowak is kabadangna ay maibagay ken siya.”

Genesis 2:7

Dat alaen nan apo nan lota et sapowena is ipogaw danat isip-oy nan leng-ag di biyag isnan eeng nan sinapona dat matago san lalaki.

Salmo 139:14

Dayawek sik-a tay kaskasdaaw ya ostoosto nan inikkam ay nangboliw ken sak-en. Owen, am-in ay ik-ikkam et kaskasdaaw et getkek dana tet-ewa.

Isaias 43:7

Daida nan osto ay ipogawko et binoliwko daida ta ipailada nan kinadayawko.’

Mateo 19:4

Dat kanan Jesus, “Ay egayyo binasa isnan kalin Apo Dios ay isnan login di batawa et isnan nangboliwana isnan ipogaw et sinapona nan lalaki ya babai.

Marcos 10:6

Ngem wada isnan naisolat ay maipanggep isdin login di batawa en, ‘Binoliw Apo Dios nan ipogaw ay lalaki ya babai.

Efeso 2:10

Tay si Apo Dios et kedeng nan mangipabalo isnan biyag tako gapo isnan naitapiyan tako ken Jesu Kristo tapno ikkan tako koma nan gawis ay ninemnemna id kasin ay awnit tako ikkan.

Efeso 4:24

Dawatenyo nan mangpabalowan Apo Dios isnan biyagyo ta komaneg kayo ken siya et maila ay napabalo nan biyagyo isnan tet-ewa ya nadiosan ay ik-ikkanyo.

Deuteronomio 4:32

Dat itoloy Moses ay mangwani ken daida en, “Nemnemenyo pod nan inommat id kasikasin. Enggana isdin nangboliwan Apo Dios isnan ipogaw, ay waday kaskasdaaw is inom-ommat ay kaneg nan inommat ken dakayo? Ay waday nakadnge is kaneg na? Waay maid met.

Colosas 1:15

Si Jesu Kristo et siya nan nangipaila no ngan nan kaneg Apo Dios ay adi kaila. Si Kristo ay kangatowan et nawawada esapay mawada nan am-in ay naboliw

Colosas 1:26

Enggana id sang-adom et maid nakagtek isnan ninemnem Apo Dios ay awnit maikkan ngem id wani et inpagtekna ken datako ay ipogawna

Colosas 3:10

dayopay dinawat nan balo ay nemnem ay inted Apo Dios. Et an-an-anayana nan naay ay gawis ay nemnem ta mabalin ay maawatan tako nan maipanggep ken Apo Dios datakopay komankankaneg ken siya.