Genesis 1:26 - Kalin Apo Dios

²⁶ Dat kanan Apo Dios, “Id wani mensapowak is ipogaw is kanegko. Et wada nan kalebbengana isnan am-in ay menkiwkiwi ay amo ya atap, ay dadakke ya teteteen, nan ikan ya nan koykoyat.”

Genesis 1:26 Iomraidhean Croise

Genesis 11:7

isonga masapol ay tekneteknek nan kalida tasiyay adida menkinaawatan.”

Genesis 2:19

Danat iyey issan ipogaw nan animalis ya nan koykoyat ay sinapona isnan lota ta ilaena no ngan nan pangwanin san ipogaw ken daida et san kinwanina isnan deeyda ay matmatago et siya di nan ngadanda.

Genesis 3:22

Dat kanan nan apo ay Dios, “Id wani kaneg inawat san ipogaw sak-en isnan mangtekanda isnan gawis ya ngawi isonga masapol ay adida maipalobos ay kanen nan begas nan kaiw di biyag ta adida matatago ay eng-enggana.”

Salmo 100:3

Adiyo kalingkingan ay nan apo et Dios. Siya nan nangboliw ken datako et kowana datako. Owen, ipogawna datako et datako nan kanegna kalnilo ay ay-ayowanana.

Salmo 149:2

Dakayo ay Israelita, men-gasing kayo isnan nangboliw ken dakayo. Owen, gomasing kayo ay iSion gapo isnan kangatowan ay aliyo.

Isaias 45:18

Nan apo ay nangboliw isnan daya et siya et kedeng nan tet-ewa ay Dios. Siya gedan nan nangboliw isnan batawa danapay esten ay makneg ya adi kadadadael. Egayna aped sinapo ay maid silbina nodi ta mentean di kaipoipogaw. Et siya nan nangwani en, “Sak-en nan apo et maid teken is Dios.

Isaias 6:8

Daket dengngen ay kanan nan apo, “Sino pay di esak ibaa? Sinoy esami bab-aaen?” Daket kanan, “Naayak ya, apo. Sak-en nan baaem.”

Isaias 64:8

Ngem sik-a apo nan amami. Kaneg dakami nan kolayeng et kaneg sik-a nan mensapsapo is banga tay binoliwmo dakami

Juan 14:23

Dat kanan Jesus, “Nan manglaylayad ken sak-en et tongtongpalena nan ibagbagak. Siya gedan et laylayden Ama isonga dakami ken Ama et awnit kami omali ay makitee ken siya.

Juan 5:17

Issan nang-ilaan pay Jesus ken daida danat kanan en, “Nan kananyo et no obaya datakot adi men-obla. Ngem si Apo Dios ay Amak, et adina isalsaldeng ay mang-ay-ayowan isnan ipogaw olay no obaya isonga masapol ay kaneg todi abes nan ikkak.”

Aapostolis 17:20

Nasdaaw kami isnan isolsolom tay teken. Ket no mabalin laydenmi ay getken nan kayat ay kanan nan kankanam.”

Aapostolis 17:26

Es-esang nan ipogaw ay binoliw Apo Dios isdin damo et siya nan poon nan kaipoipogaw isnan am-in ay kailiili isnan batawa. Enggana id kasikasin et pinilin Apo Dios nan timpon nan menlebbengan nan nateketeken ay ipogaw ya nan il-ili ay awnitda mentean.

1 Corinto 11:7

Nan gapo ay gawis no adi menkalogong nan lalaki isnan simbaan tay siya nan kailaan nan kinaapon Apo Dios. Ngem nan babai et siya nan kailaan nan kinaapon nan lalaki. Isonga gawis no men-aapongot.

2 Corinto 3:18

Isonga getken tako ay ostoosto nan tet-ewa ay maipanggep ken Kristo ya nan kangatona tay nakaan nan nangsasalin isnan nemnem tako. Isonga gapo isnan mang-il-ilaan tako ken siya et gomawgawgawis tako engganay maipaliso tako ken Kristo. Et si Apo Jesus ay Ispirito Santo nan mang-ik-ikkan is dana.

2 Corinto 4:4

Nan gapo ay adida mamati et gapo tay kinowap Satanas ay apon nan ipogaw isnan batawa nan nemnemda tapno adida getken nan kagawis nan damag ay mangipaila isnan kangaton Kristo ay mangipaila isnan kaneg Apo Dios.

Efeso 4:24

Dawatenyo nan mangpabalowan Apo Dios isnan biyagyo ta komaneg kayo ken siya et maila ay napabalo nan biyagyo isnan tet-ewa ya nadiosan ay ik-ikkanyo.

Colosas 1:15

Si Jesu Kristo et siya nan nangipaila no ngan nan kaneg Apo Dios ay adi kaila. Si Kristo ay kangatowan et nawawada esapay mawada nan am-in ay naboliw

Colosas 3:10

dayopay dinawat nan balo ay nemnem ay inted Apo Dios. Et an-an-anayana nan naay ay gawis ay nemnem ta mabalin ay maawatan tako nan maipanggep ken Apo Dios datakopay komankankaneg ken siya.

Santiago 3:7

Kabaelan nan ipogaw ay mangipaamo isnan am-in ay kalasin di menkiwkiwi ay kaneg nan atap ay animal, nan mentaytayaw, nan menkodkodong ya nan wada isnan baybay

Santiago 3:9

Nan dila tako nan os-osalen tako ay mangdayaw ken Apo Dios ay Ama tako ngem siya gedan nan os-osalen tako ay mangiiyaw ya mang-ap-apos isnan iib-a tako dapay isdin nangboliwan Apo Dios isnan ipogaw et wada nan maisowanda ken siya.