Genesis 1:21 - Kalin Apo Dios

²¹ Dadat mawada tay binoliw Apo Dios nan dadadadakke ay matagtago ay kaneg nan bowaya ya nan am-in ay nateketeken ay mentetee isnan danom ya nan am-in ay wada nan payakna. Dat men-gasing si Apo Dios isnan inilana.

Genesis 1:21 Iomraidhean Croise

Genesis 1:18

et mensilawda isnan kag-aw ya labi. Siya nan mailasinan di menpat-a ya nan menbolinget. Dat men-gasing si Apo Dios isnan inilana.

Genesis 1:20

Dat kanan Apo Dios, “Mawada kayo ay nateketeken ay matagtago isnan danom ya mawada kayo ay koyat id ngato.”

Genesis 1:22

Danat bindisyonan am-in daida ay mangwani isnan mentetee isnan danom en omad-adoda ta mapno nan baybay ya omad-ado gedan nan koyat.

Genesis 1:31

Inilan Apo Dios nan am-in ay binoliwna et ostoosto dat men-galalasing. Nakwas nan sinlabiyan dat mawakgat et siya di nan maikan-em ay agew.

Genesis 2:19

Danat iyey issan ipogaw nan animalis ya nan koykoyat ay sinapona isnan lota ta ilaena no ngan nan pangwanin san ipogaw ken daida et san kinwanina isnan deeyda ay matmatago et siya di nan ngadanda.

Genesis 6:20

Tay awnit omey ken sik-a nan sagdodwa isnan am-in ay menkiwkiwi isnan batawa ay nan mendaan, nan mentayaw ya nan menkodong ta adida matey.

Genesis 7:14

Nakisgep gedan ken daida nan am-in ay menkodkodong, mendad-aan ya mentaytayaw ay amo ya atap, dadake ya teteen.

Genesis 8:17

Pabalaenyo gedan daida am-in ay wada isnan bapol tasiyay omad-adoda et maiwakatda isnan batawa.”

Genesis 8:19

Am-in san wada isdi ay mendad-aan, menkodkodong ya mentaytayaw et nabob-owegda ay nasin-as-awa ay binmala gedan.

Genesis 9:2

Am-in ay matmatago isnan batawa ya nan baybay et iyegyatda dakayo ay ipogaw

Genesis 9:7

Ngem dakayo et omanak kayo is ad-ado tasiyay wada kasin di mentee isnan batawa.”

Salmo 148:7

Dayawenyo nan apo dakayo isnan batawa ya nan dadakke ay mentetee isnan baybay ya isnan kaadaeman di danom.

Exodo 1:7

Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.

Exodo 8:3

Ponowena nan ginawang ay Nile is tokak isonga komaanda isnan ginawang et omeyda isnan baeymo, isnan pagseypam, isnan bab-aey nan iib-am ya ipogawmo ya olay isnan pag-otowan ya isnan kakandiloyo.

Jonas 1:17

Dat isnan bilin nan apo et inoklong di dakedake ay ikan si Jonas et nintetee isnan eges san ikan is tolo ay agew ya labi.

Jonas 2:10

Dat bilinen nan apo nan ikan ta ipabalana si Jonas isnan benget di baybay.

Mateo 12:40

Tay din si Jonas et nintee isnan eges di dakkel ay ikan isnan tolo ay agew. Kaneg abes ken sak-en ay Iyon-an Am-in di Ipogaw et awnitak maikakaob is tolo ay agew.