Genesis 1:11 - Kalin Apo Dios

¹¹ Dat kanan Apo Dios, “Mawada kayo am-in ay tomobo isnan lota dakayot bomgas is nabobowaan ta waday esa tomobo kasin.” Dat maikkan.

Genesis 1:11 Iomraidhean Croise

Genesis 1:12

Tinmobo nan am-in ay wada isnan batawa dat men-gasing si Apo Dios isnan inilana.

Genesis 1:29

Nan begas nan naayda ay molmola et da tona nan itedko ken dakayo ta siya nan menkatagoyo

Genesis 2:16

Danat ibaga isnan ipogaw, “Mabalin ay kanem nan natkenatken ay begas di kak-aiw

Genesis 2:5

et maid molmola isnan batawa ya maid bonobon is tinmobo tay egayna pay laeng pinawada nan odan ya maiwed pay laeng mangkaykay isnan lota.

Genesis 2:9

Inpatobona nan kak-aiw ay gawis nan kaiilaanda ya gawis ay makan nan begasda. Ngem isnan tengana et wada nan kaiw di biyag ya nan kaiw di nemnem ay gawis ya ngawi.

Salmo 1:3

Kanegda nan kaiw ay tinmotobo isnan benget di ginawang ay bomgas isnan timpona ya adi kalaylay nan tobona tay somya nan am-in ay ik-ikkana.

Salmo 147:8

Ipaeyna nan liboo isnan daya ya menpaodan isnan batawa danapay patobowen gedan nan loglogam isnan bilbilig.

Isaias 61:11

Sigolado ay isalakan nan apo ay kangatowan nan ipogawna ay kaneg nan sigolado ay tomobowan ya masiknan di esek. Et awnit dayawen nan am-in ay kailiili siya.

Jeremias 17:8

Et kanegna nan kaiw ay tinmobo isnan sag-en di danom ay mallos nan lamotna isnan danom. Et adi omegyat isnan timpon di tiyagew ay menpoos tay adi kaango nan tobona ya adi madanagan tay olay no adi omod-odan et adi somaldeng ay menbegbegas.

Mateo 3:10

Dat itoloy Juan ay mangwani en, “Nan awnit idosan Apo Dios et siya nan kaneg nan wasay ay naisasagana ay mangpoyo isnan kaiw. Am-in ay kaiw ay adi bomgas is gawis et mapoyo dat mapoowan. Et dakayo nan kaneg nan kaiw ay adi bomgas.”

Mateo 6:30

No gawis nan nemnem Apo Dios isnan sabsabong isnan tomotobowanda is sin-awyan dadat maango et mapoowanda, ay adi am-amed nan mangnemnemana ay mangbado ken dakayo? Kolang bawet nan talekyo ken Apo Dios.

Marcos 4:28

Nan lota nan makigad isnan am-in ay tomobo. Bomgi nan esek dat tomobo dat maliton dat bomgas.

1 Corinto 15:38

Tay sapowen Apo Dios nan tobona ay kaneg nan kayatna. Tonggal esa ay mola ay bolboliwena et tobowana daida isnan maibagay isnan esa ken esa.

Hebreo 6:7

Nan kaneg da todi ay ipogaw et kanegda nan ngawi ay lota. Tay men-gasing si Apo Dios isnan gawis ay lota ay mang-is-isop isnan odan ay mang-op-op-ope tapno makatobo nan molmola. Gawis nan lota ay kaneg todi tay mapaay isnan mang-es-esek.

Santiago 3:12

Maid abes papaya is mangibgas is mangga ya maid abes tagombaw is mangibgas is papaya. Ya nan balaan ay bomalbal-an di menpait ay danom et adi bomala nan gawis ay danom. Et siya koma nan kaneg nan dila tako ta adi menlaok nan gawis ya ngawi ay kali.