Genesis 1:1 - Kalin Apo Dios

¹ Isdin loglogina ay esapay mawada nan am-in ay wada et binoliw Apo Dios nan daya ya nan batawa.

Genesis 1:1 Iomraidhean Croise

Nehemias 9:6

Sik-a nan kedkedeng ay apo. Binoliwmo nan batawa, nan daya, nan baybay ya nan am-in ay wada ken daida. Isnan am-in datona et sik-a nan mangtetena dapay daydayawen am-in ay wada id daya sik-a.

Job 38:4

Ay wadaka od isdin nangboliwak isnan batawa? Ala, no met laeng adoado nan getkem ibagam ngalod ken sak-en.

Salmo 102:25

Isdin on-onana et sik-a nan nangboliw isnan batawa ya sik-a gedan nan nangboliw isnan daya.

Salmo 104:24

Apo, adi kabilang nan binoliwmo. Binoliwmo am-in daida isnan silibmo et mapno nan batawa isnan binoliwmo.

Salmo 104:30

Dakat ibaa kasin nan lspiritom ay mangboliw isnan tap-ina ta wawawawada nan mentetee isnan batawa.

Salmo 115:15

Nan apo ay nangsapo isnan daya ya nan batawa nan mangbindisyon koma ken dakayo.

Salmo 121:2

Nan mangbadang ken sak-en et nan apo ay nangboliw isnan daya ya nan batawa.

Salmo 124:8

Nan badang ken datako et nagapo isnan apo ay nangboliw isnan daya ya nan batawa.

Salmo 134:3

Bindisyonan koma nan apo id Sion dakayo, siya ay nangboliw isnan daya ya nan batawa.

Salmo 136:5

Binoliwna nan daya isnan silibna ya nan adi menbalbaliw ay layadna et maid patenggana.

Salmo 146:6

ay nangsapo isnan daya, batawa, nan baybay ya nan am-in ay wada is dana ya kanayon ay mangtongpal isnan am-in ay inkalina.

Salmo 33:6

Ninkali nan apo dat mawada nan daya. Nan agew, bowan ya nan taltalaw et nasapo gedan isnan kalina.

Salmo 33:9

tay isnan ninkaliyana dat mawada nan batawa ya nan am-in isnan nangbilinana et nawadada.

Salmo 8:3

No ilaek nan daya ay binoliwmo, nan bowan ya nan katalatalaw ay inippeymo,

Salmo 8:4

et nemnemek en ay napateg ngen nan ipogaw ta nemnemnemem daida? Kaskasdaaw nan mangsegseg-angam ken daida ay aped ipogaw et kedeng.

Salmo 90:2

Esapay maboliw nan bilbilig wenno nan nangboliwam isnan batawa et nawawadaka et ay Dios ay maid logina ya maid kombosna.

Salmo 96:5

Tay nan daydayawen di kailiili ay diosda et nan sinangdidios ngem nan apo et siya nan nangboliw isnan daya.

Exodo 20:11

Tay sak-en ay apo et sinapok nan daya, nan batawa, nan baybay ya nan am-in ay nawada isnan enem ay agew ngem isnan maikapito ay agew et nin-illengak. Isonga sak-en ay apo et binindisyonak san deey ay agew di illeng daket ninbalinen ay napateg ay agew ay pala ken sak-en.

Exodo 31:18

Idi nakwas ay nakikali nan apo ken Moses isnan bilig ay Sinai danat idya ken siya nan dowa ay nadadampig ay bato ay nang-isolatana mismo isnan bilbilina.

Isaias 42:5

Si Apo Dios nan nangboliw isnan batawa ya am-in ay mentetee ya inagtana is biyag nan mentetee isnan batawa ta men-angesda et id wani kanana isnan baana en,

Isaias 45:18

Nan apo ay nangboliw isnan daya et siya et kedeng nan tet-ewa ay Dios. Siya gedan nan nangboliw isnan batawa danapay esten ay makneg ya adi kadadadael. Egayna aped sinapo ay maid silbina nodi ta mentean di kaipoipogaw. Et siya nan nangwani en, “Sak-en nan apo et maid teken is Dios.

Isaias 65:17

Kanan nan apo, “Bomoliwak is balo ay daya ya balo ay batawa et maid et mangnemnemnem isnan sigod gapo isnan kawadan nan balo.

Mateo 11:25

Dat menlowalo si Jesus et kanana en, “Ama, sik-a nan Apo id daya ya isnan batawa. Men-iyamanak ken sik-a tay inpagtekmo isnan egay nakaadal nan tet-ewa ay maipanggep ken sak-en ngem egaymo inpagtek isnan mangwani en nalaing ya masilib tapno adida maawatan.

Marcos 13:19

Tay nan ligat isnan deey ay timpo et awnit siya nan kaam-amedan isnan am-in ay ligat ninlogi isdin naboliwan di batawa ay enggana id wani dat maidet kasin domatdateng is kaneg todi isnan batawa ay eng-enggana.

Aapostolis 14:15

“Gagayyem, dayon aped ik-ikkan na? Ipogaw kami ay kanegyo met laeng. Inmali kami isna ta ibagbagami nan gawis ay damag ay maipanggep ken Kristo ta taynanyo nan sinang didiosyo ay maid kapaayanda ta patiyenyo si Apo Dios ay naleleng-agan. Si Apo Dios et siya nan nangboliw isnan daya, nan batawa, nan baybay ya nan am-in ay mentetee.

Aapostolis 17:24

Et siya si Apo Dios ay nangboliw isnan batawa ya nan am-in ay mentetee. Et baken isnan sinang bab-aey ay sinapon di ipogaw is menteteana tay siya nan Apo isnan am-in, nan daya ya nan batawa.

Aapostolis 4:24

Idi dinnge nan ib-ada dadat makilowalo ay mangdayaw ken Apo Dios ay mangwani en, “Apo, sik-a nan nangboliw isnan daya, nan batawa, nan baybay ya nan am-in ay mentetee.

Roma 11:36

Tet-ewa nan kanan nan naisolat tay siya nan nangboliw isnan am-in. Siya nan mang-ay-ayowan isnan am-in ta waday toloyda ya nan gapo ay naboliwda tapno madayaw siya. Isonga daydayawen tako siya ay eng-enggana. Sapay koma.

Efeso 3:9

Tay si Apo Dios ay nangboliw isnan am-in ay wada et inbaana sak-en ay mangipagtek isnan am-in ay ipogaw nan ikkana ta matongpal nan panggepna ay egayna inpagtek id kasin enggana id wani

Hebreo 1:10

Kinwanina abes en, “Isnan damodamo et sik-a Apo, nan nangboliw isnan batawa ya sik-a gedan nan nangboliw isnan daya.

Hebreo 1:2

Ngem id wani et baken kaneg todi tay nan Anakna nan inosalna ay mangipagpagtek isnan kayatna ken datako. Siya nan nangipaboliwan Apo Dios isnan am-in ay wada. Et siya gedan nan pinilina ay mangtawid isnan am-in.

Hebreo 3:4

Et nan am-in ay baey et adi aped mawada no maid mangsaad ngem si Apo Dios nan nangboliw isnan am-in.

2 Pedro 3:5

Ngem ibagak ken dakayo en adida layden ay mangnemnem isnan mangdosaan Apo Dios isnan mang-ik-ikkan isnan ngawi ay kaneg nan inikkana ay nangdadael isnan batawa id sang-adom. Adida layden tay adyanda ay patiyen nan awnitda madosaan. Tay isnan logina et binoliw Apo Dios nan am-in ay wada id daya. Et isnan apedna kali naboliwda. Inpabalina nan danom is batawa. Ya danom abes nan inosalna ay nangposong ay nangdadael isnan batawa.

1 Juan 1:1

Isnan solat ay naay, ibagak ken dakayo nan makwani en Kali. Siya si Jesu Kristo ay nagapowan nan biyag ay maid patenggana. Sapay mawada nan am-in ay naboliw et sigod ay wada siya. Ibagak nan maipanggep ken siya tay inil-ilami ay gawis. Dindinngemi nan kalina ya ginen-gen-anmi siya.

Naipagtek 10:6

Dat mensapata isnan ngadan Apo Dios ay adi katkatey ay nangboliw isnan daya, nan batawa, nan baybay ya nan am-in ay mentetee ken daida. Kinwanina en, “Maiwed et maiyaw-awniyana pay laeng

Naipagtek 14:7

Inbibiyadna nan kalina ay mangmangwani en, “Patgenyo ay ostoosto si Apo Dios dakayopay dayawen siya isnan kinangatona tay omal-ali nan timpo ay mangbanagana isnan am-in ay ipogaw. Daydayawen ya patpatgenyo siya ay nangboliw isnan am-in ay wada, ay nan daya, nan batawa, nan baybay ya nan bomabalbalaan nan dandanom.”

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Naipagtek 22:13

Sak-en nan nangwada isnan am-in ay wada ya sak-en gedan nan mangkombos isnan am-in.”

Naipagtek 3:14

Danat ibaga abes nan isolatko isnan mangipangpango isnan mamati id Laodicea. Kanana, “Sak-en ay makwani en Tet-ewa tay matalekak ya am-in ay ipagtekko ay maipanggep ken Apo Dios et tet-etet-ewa et wada nan ibagak ken dakayo. Sak-en gedan nan nangipaboliwan Apo Dios isnan am-in ay wada.

Naipagtek 4:11

“Sik-a nan Apomi ya Diosmi. Maibagayka ay madayaw ya maipangato gapo isnan dadama ay panakabalinmo tay sik-a nan nangwada isnan am-in ay wada. Owen, gapo isnan layadmo ay nangwada isnan am-in et naboliwda.”