5 Sak-en nan apo et awnitko ikkan dana is wakgat.’ ”
No kayet ikekedsem et ipaiyalina is wakgat nan adoado ay dodon isnan am-in ay ilin di Egipto.
Awnitko iitken nan ipogawko isnan ipogawmo, ommatna is wakgat.’ ”
Isonga is wakgat isnan kegtona ay olas et awnitak men-ipaodan is pilmi ay dalalo ay egay inom-ommat id kasin ay enggana ay nawada nan ili ay Egipto.
Ngem awnitak iitken nan talaken nan Israelita isnan talaken nan iyEgipto ta maid matmatey ay talaken di Israelita.
Kawakgatana pay dat tet-ewa ikkan nan apo san kinwanina. Adoado nan natey ay talaken di iyEgipto dapay maid polos natey isnan talaken di Israelita.
