Exodo 9:29 - Kalin Apo Dios

²⁹ Dat kanan Moses en, “Pagbalak isnan naay ili daket ipangato nan ledengko ay menlowalo isnan apo ta somaldeng nan naay kido ya dalalo et siya nan panggetkam ay kowan nan apo nan batawa.

Exodo 9:29 Iomraidhean Croise

1 Aali 8:22

Isnan namingsan et tinmakdeg si Solomon isnan sagang nan altar nan apo ay wada isnan pantew di Templo ay iilaen di Israelita danat ingato nan ledengna

Salmo 135:6

Ikkana nan kagagasingna isnan daya ya isnan batawa ya isnan baybay ya isnan daemna.

Salmo 143:6

Ingatok nan ledengko ay menlowalo ken sik-a. Mailiwak ken sik-a ay kaneg nan maewewan nan naaango ay lota is danom.

Salmo 50:12

Et no maowatak et adiyak masapol di ibaga ken dakayo tay kowak ngalod nan batawa ya nan am-in ay mentetee.

Exodo 19:5

Et no patiyenyo sak-en ya tongpalenyo nan inkalik et awnit dakayo nan ipogawko. Kowak nan batawa ngem dakayo nan napili ay ipogawko.

Exodo 20:11

Tay sak-en ay apo et sinapok nan daya, nan batawa, nan baybay ya nan am-in ay nawada isnan enem ay agew ngem isnan maikapito ay agew et nin-illengak. Isonga sak-en ay apo et binindisyonak san deey ay agew di illeng daket ninbalinen ay napateg ay agew ay pala ken sak-en.

Exodo 8:22

Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Exodo 8:6

Dat tet-ewa isawad Aaron nan sokodna isnan am-in ay danom di Egipto et domaka nan katokatokak et ponowenda nan am-in ay ilin nan Egipto.

Exodo 9:33

Dat taynan Moses san ali et komaan isnan ilin san ali danat ipangato nan ledengna ay menlowalo isnan apo daet somaldeng nan kido ya dalalo ya nan odan.

Isaias 1:15

No ingatoyo nan ledengyo ay menlowalo et awnitak adi sagsagongen dakayo. Olay no menlol-owalo kayo et adiyak dengdengngen dakayo tay nabasaan nan ledengyo gapo isnan basbasolyo.

1 Corinto 10:26

Mabalin ay kanenyo tay nan batawa ya nan am-in ay wada et kowan Apo Dios.

1 Corinto 10:28

Ngem no waday mamati isdi is mangwani ay naiboyag isnan sinang didios dakat adi kanen tay siya nan mangipaila ay basol isnan nemnemna no kanem. Isonga adim kanen tapno adi masaktan nan nemnemna. Waay wada nan mangwani en, “Aytay daken adi kanen dakpay getken ay baken basol di?” Kananda pay en, “Dan masapol ay solotek nan nemnem di esa dapay baken osto nan nemnemna?