Exodo 9:16 - Kalin Apo Dios

¹⁶ Ngem inpalobosko ay matago kayo ta ipailak ken dakayo nan kabaelak tapno maipagtek isnan batawa nan kabaelan nan ngadanko.

Exodo 9:16 Iomraidhean Croise

Nehemias 9:10

Inpailam nan nakaskasdaaw ay nangpaligat isnan alin di Egipto ya isnan kaipoipogawna tay gintekmo din nangpalpaligatanda isnan ipogawmo. Et gapo isnan naay inikkam et naipangato nan ngadanmo ay enggana id wani.

Salmo 106:8

Ngem insalakana kayet daida ay kaneg din inkalina ta ipailana nan pilmi ay kabaelana.

Salmo 64:9

Et awnit omegyat nan am-in ay ipogaw dadat nemnemen nan inikkan Apo Dios dadapay ipagtek en ostoosto nan inik-ikkana.

Salmo 76:10

Madayaw si Apo Dios isnan mang-abakana isnan liget di mang-ap-apos ken siya ya timbengena nan daan ay ligetda.

Exodo 14:17

ya pakedseek kayet nan nemnem nan naayda ay iyEgipto ta kedagenda kayet dakayo et awnit maidaydayawak isnan mang-abakak isnan ali, nan sosoldadona, nan loganda ya nan mangitoltolong isnan loganda.

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 9:15

Tay no kinayatko ay aped ipaila nan kabaelak ay mangdosa ken dakayo is sakit et natey kayo et am-in.

Exodo 9:17

Dakapay kayet lastog ay adim palobosan nan ipogawko ay komaan isnan ilim.

Ezekiel 39:21

Dat kanan nan apo en, “Awnitak ipaila nan kinangatok isnan am-in ay il-ili dakpay ipaila nan mang-osalak isnan panakabalinko ay mang-ibanag isnan nalinteg ay nemnemko.

Nomero 14:21

Ngem ibagak ken sik-a ay isnan kawadaak isnan naay batawa et tet-ewa

Roma 9:17

Kaneg nan naisolat ay kinwanin Apo Dios ken Faro ay ali id Egipto id kasikasin. Kinwanina en, “Ninbalinek sik-a ay apo tapno matongpal nan kayatko ay mangipaila isnan kabaelak isnan ikkam tapno maipagtek isnan kaipoipogaw isnan batawa.” Siya dana nan kinwanin Apo Dios.

Roma 9:22

Kaneg todi abes nan inikkan Apo Dios tay lebbengna ay mang-ikkan isnan kayatna. No kayatna ay mangipaila isnan ligetna ya kabaelana isnan mangdosaana isnan ipogaw ay maibagay ay madosa ay enggana gapo isnan bomasbasolanda et lebbengna. Ngem inan-anosana daida.

Josue 4:24

Inikkana dana tapno getken nan am-in ay ipogaw isnan batawa nan kapigsan nan panakabalin nan apo ya tapno patgenyo nan apo ay Dios tako ay eng-enggana.”

1 Pedro 2:19

Tay no anosam nan mapalpaligatam ay maid gapona gapo isnan mangnemnemnemam ken Apo Dios et siya nan esay men-gasingan Apo Dios ken sik-a.

1 Pedro 2:8

Kinwanina abes en, “San bato ay deey et siya nan madisdismayaanda ay maolinanda.” Kinwanin Apo Dios di. Et natongpal tay naseyatanda gapo isnan adida mamatiyan isnan gawis ay damag ay maipanggep ken Kristo. Isonga awnitda madosa.

Judas 1:4

Kanak na tay wada nan ipogaw ay maid polos nemnemda ken Apo Dios ay maitaptapi ken datako. Egayda inpaila nan tet-ewa ay wada isnan nemnemda isnan naitapiyanda ken datako. Ngem sinokatanda nan tet-ewa ay maipanggep isnan mangpakawanan Apo Dios isnan basbasol di ipogaw tay kananda en mabalin ay ikkan nan mamati nan kompolmi ay ol-olay ay kayatda tay epdas napakawan nan basbasolda. Dinokoganda nan es-esa ay Apo tako ay si Jesu Kristo. Ngem epdas naisolat id sang-adom nan madosaanda.