Exodo 8:8 - Kalin Apo Dios

⁸ Dat paayagan san ali da Moses ken Aaron et kanana en, “Idawatyo isnan apo ta kaanena nan naayda ay tokak ken dakami et awnitak palobosan nan ipogawna ay omey men-idaton ken siya.”

Exodo 8:8 Iomraidhean Croise

Salmo 66:3

Kananyo ken Apo Dios en, “Kaskasdaaw nan ik-ikkam tay gapo isnan pilmi ay panakabalinmo et lomnek nan mang-ap-apos ken sik-a dadapay menpaypayegpeg ay menlokbob isnan sagangmo.

Exodo 10:16

Dat ikakamon san ali ay mangipaayag ken da Moses ken Aaron et kanana ken daida en, “Nakabasolak isnan apo ay Diosyo ya ken dakayo.

Exodo 10:17

Et id wani pakawanenyo nan basolko dakayot ilowalo isnan apo ay Diosyo ta kaanena nan naay makapatey ay dosa.”

Exodo 10:18

Dat taynan Moses san ali et omey menlowalo isnan apo.

Exodo 14:5

Idi gintek nan alin di Egipto en kinmaan et nan Israelita dat matken nan nemnemna ya nan iib-ana dadat kanan en, “Ay ngan pay nan inikkan tako ay naay? Aped tako inpalobos nan Israelita ay komaan et dey maid et bab-aaen tako.”

Exodo 32:11

Ngem dat menpakpakaasi si Moses isnan apo ay Diosna et kanana en, “apo, adika koma makaliget isnan ipogawmo ay winayaam id Egipto isnan kabaelam ya panakabalinmo ay inpail-ilam.

Exodo 5:2

Dat kanan san ali en, “Ay sino sa ay apo ay masapol di patiyek ta palobosak nan Israelita? Adiyak getgetken nan sana ay apo ay kankananyo et adyak palobosan daida.”

Exodo 8:15

Ngem idi inilan nan ali ay natey san deeyday tokak danat kasin ipakedse nan nemnemna et egayna kasin pinati da Moses ken Aaron ay kaneg din kinwanin nan apo.

Exodo 8:29

Dat kanan Moses en, “Pagkaanmi isna et idawatko isnan apo tasiyay is wakgat et komaan nan sanada ay ngilaw ta taynanda dakayo. Ngem adim kasin katkatogan dakami ay adi mangipalobos isnan naayda ay ipogaw ay omey men-idaton isnan apo.”

Exodo 8:32

Ngem dat kasin pinakedsen nan ali nan nemnemna et egayna kasin pinalobosan nan ipogaw Apo Dios.

Exodo 8:9

Dat kanan Moses ken siya en, “Men-gasingak ay mangilowalo ken sik-a. Ibagam bawet no tongona nan mendawatak pala ken dakayo am-in et awnit komaan nan sanada ay tokak ta kedeng nan ginawang ay Nile is kad-anda.”

Exodo 9:27

Dat paayagan san ali da Moses ken Aaron et kanana ken daida en, “Id wani et nakabasolak. Osto obpay nan apo. Sak-en ya nan ipogawko et nakabasol kami.

Exodo 9:28

Ilowaloyo kad isnan apo ta kedeng et di is kido ya dalalo. Owen, palobosak et dakayo ay komaan, adi kayo et mentetee isna.”

Exodo 9:33

Dat taynan Moses san ali et komaan isnan ilin san ali danat ipangato nan ledengna ay menlowalo isnan apo daet somaldeng nan kido ya dalalo ya nan odan.

Nomero 21:7

Dat omey nan deeyda ay ipogaw ken Moses et kananda en, “Nakabasol kami isnan ninkaliyanmi is ngawi isnan apo ya is ken sik-a. Idawatmo koma isnan apo ta ipakaana nan naayda ay kaoweoweg.” Daet ilowalowan Moses san deeyda ay ipogaw.

Aapostolis 8:24

Dat kanan Simon, “Ilowalowanyo ngalod sak-en ken Apo Dios ta adi ommat ken sak-en nan sana kankanam.”

1 Samuel 12:19

Kinwanin nan kaipoipogaw ken Samuel en, “Pangaasim kad ta menlowaloka isnan apo ay Diosmo tapno adi kami matey tay tinapiyanmi nan basolmi isnan nindawatanmi is mangitolay ken dakami.”