Exodo 8:6 - Kalin Apo Dios

⁶ Dat tet-ewa isawad Aaron nan sokodna isnan am-in ay danom di Egipto et domaka nan katokatokak et ponowenda nan am-in ay ilin nan Egipto.

Exodo 8:6 Iomraidhean Croise

Salmo 105:30

Pinona pay nan ilida is tokak ay olay nan baey di ali et wadada gedan.

Salmo 78:45

Nin-ipaey is adoado ay ngilaw ay nangpaligat isnan iyEgipto ya nan katokatokak ay nangdadael isnan paypayewda.

Salmo 86:8

apo, maid dios is kankanegmo ya maid makaikkan isnan ik-ikkam.

Salmo 90:2

Esapay maboliw nan bilbilig wenno nan nangboliwam isnan batawa et nawawadaka et ay Dios ay maid logina ya maid kombosna.

Exodo 10:2

ya ta waday esayo sodsodoken is komasin isnan an-akyo ya ap-oyo no ngan nan inkakak ay nangpaligat isnan iyEgipto isnan nangipailaak ken daida isnan naayda ay kaskasdaaw. Et awnit siya nan manggetkanyo am-in ay ipogaw ay sak-en nan apo.”

Exodo 7:19

Dat kasin kanan nan apo ken Moses en, “Ibagam ken Aaron ta alaena san sokodna ta isawadna isnan am-in ay danom id Egipto isnan ketang, ginawang ya isnan sakdowan. Awnit menbalin is basa nan am-in ay danom isdi ya olay nan wada isnan kalamba ya isnan am-in ay maipaypay-an di danom.”

Exodo 9:14

Tay id wani et am-amedko dosaen sik-a, nan oopisyalismo ya nan ipogawmo ta manggetkanyo ay maid polos kanegko isnan batawa.

Exodo 9:29

Dat kanan Moses en, “Pagbalak isnan naay ili daket ipangato nan ledengko ay menlowalo isnan apo ta somaldeng nan naay kido ya dalalo et siya nan panggetkam ay kowan nan apo nan batawa.

Isaias 43:10

Dakayo pay ay iyIsrael et dakayo nan mang-ibaga isnan maipanggep ken sak-en. Pinilik dakayo ay baak tapno manggetkanyo ken sak-en ya ta mangpati kayo ya tapno maawatanyo ay sak-en et kedkedeng nan Dios. Maid teken is dios nodi sak-en et kedeng. Ya maid pay polos dios is inmon-ona wenno is esa omon-onod.

Deuteronomio 32:31

Gegetken nan mang-ap-apos isnan Israelita ay maid kabaelan nan diosda ay kaneg nan manakabalin ay Dios di Israelita.

Deuteronomio 33:26

Dat itoloy Moses ay mangwani en, “Dakayo ay Israelita, maid dios is kaneg nan Diosyo ay nadayaw ay maitatapi isnan liboo ay omali ay mangbadang ken dakayo.

Deuteronomio 4:35

Inpailan nan apo am-in dana ken dakayo ta manggetkanyo ay nan apo nan Dios et maid teken nodi kedkedeng siya.

Naipagtek 16:13

Daket ilaen gedan nan tolo ay anaanas-i ay dimonyo ay kaneg bakbak nan kaiilaanda. Binmala nan esa isnan topek di dragon, nan esa et isnan topek di kaeegyat ay nagapo isnan baybay ya nan maikatlo et binmala isnan topek di menkamkampot ay mamadto.