Exodo 8:22 - Kalin Apo Dios

²² Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Exodo 8:22 Iomraidhean Croise

Salmo 110:2

Nagapo id Sion nan kabaelam ay mentolay ay awnit idyan nan apo ken sik-a. Itolayam nan mang-ap-apos ken sik-a.

Salmo 74:12

Ngem sik-a, Apo Dios, nan alimi enggana id sangadom. Sik-a pay nan mang-isalsalakan isnan ipogawmo.

Exodo 10:23

Et egay nin-asiil-ila nan iyEgipto ya egayda binmalbala isnan bab-aeyda issan tolo ay agew ay binmolingetana ngem isnan tean nan Israelita et menpat-a.

Exodo 12:13

Nan basa isnan segpan et siya nan awnit malkan nan bab-aey ay menteteanyo. No ilaek nan basa et awnitko laosan dakayo ta maid om-ommat ken dakayo no dosaek nan iyEgipto.

Exodo 19:5

Et no patiyenyo sak-en ya tongpalenyo nan inkalik et awnit dakayo nan ipogawko. Kowak nan batawa ngem dakayo nan napili ay ipogawko.

Exodo 20:11

Tay sak-en ay apo et sinapok nan daya, nan batawa, nan baybay ya nan am-in ay nawada isnan enem ay agew ngem isnan maikapito ay agew et nin-illengak. Isonga sak-en ay apo et binindisyonak san deey ay agew di illeng daket ninbalinen ay napateg ay agew ay pala ken sak-en.

Exodo 7:17

Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Exodo 8:10

Dat kanan san ali en, “Ilowalom is wakgat.” Dat kanan Moses en, “Ikkak ay kaneg nan kaytem ay maikkan tapno pangtekam ay maid dios is kaneg nan apo ay Diosmi.

Exodo 8:21

No adim palobosan daida et awnit ipaalik ken dakayo am-in nan kangilangilaw. Awnit mapno is ngilaw nan bab-aeyyo ya ap-apanda nan daga ay menteteanyo.

Exodo 8:23

Awnitko iitken nan ipogawko isnan ipogawmo, ommatna is wakgat.’ ”

Exodo 9:26

Et kedeng id Gosen ay kad-an di Israelita is egay nindalalo.

Exodo 9:29

Dat kanan Moses en, “Pagbalak isnan naay ili daket ipangato nan ledengko ay menlowalo isnan apo ta somaldeng nan naay kido ya dalalo et siya nan panggetkam ay kowan nan apo nan batawa.

Exodo 9:4

Ngem awnitak iitken nan talaken nan Israelita isnan talaken nan iyEgipto ta maid matmatey ay talaken di Israelita.

Exodo 9:6

Kawakgatana pay dat tet-ewa ikkan nan apo san kinwanina. Adoado nan natey ay talaken di iyEgipto dapay maid polos natey isnan talaken di Israelita.

Malakias 3:18

Et awnityo kasin ilaen nan nateknan di ommat isnan nalinteg isnan ngawi ya nan mangsilbi ken sak-en isnan adi mangsilbi.”